What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 15:00

Goukam Health APD

Home
South Africa
Riversdale
Goukam Health APD

Call Directions Website Contact the practice

- Overcoming limitations and striving to reach full potential -

https://www.backabuddy.co.za/campaign/funding-for-goukam-health-apd

11/11/2026

Dagboek die datum en kom stap saam met ons!

10/11/2026

'n Groooooot dankie aan Just Wheels Hessequa vir die ruim skenking van doeke vir ons Nappy Run projek! Dankie dat julle elke jaar ons hande vat en deel is van hierdie spesiale projek.

Indien jy ook 'n bydrae wil maak vir ons Nappy Run, kan doeke by enige afgee punt gelos word of dit kan by Goukam Health afgegee word.

09/11/2026

06/11/2026

Ons open ons Boccia Baan by Goukam Health APD!

Op 30 Oktober 2026 het ons 'n heerlike dag gehad by Goukam om ons Boccia baan amptelik te open!

Ons het soveel pret gehad dat ons besluit het om een maal per maand 'n heerlike Boccia oggend te hou. Hou die spasie dop vir inligting oor die datums en tyd en kom speel saam!

Dankie aan almal wat die dag meegemaak het en 'n groot dank aan almal wat gehelp het om die projek die lig te laat sien. Ons is baie opgewonde vir hierdie sport en om dit te kan leer speel!

05/11/2026

Nappy Run 2026

Ons is baie opgewonde oor ons laaste groot projek van 2026!

Die Nappy Run is ’n jaarlikse nasionale bewusmakings- en insamelingsveldtog in Suid-Afrika wat in 2011 deur die Nasionale Raad vir Persone met Gestremdhede (NCPD) geloods is. Die doel van die veldtog is om doeke (nappies) en fondse in te samel vir kinders en volwassenes met gestremdhede wat aan inkontinensie ly, asook om die publiek oor hul regte op te voed.

Ons wil hierdie jaar weer soveel as moontlik doeke insamel vir die wat dit die nodigste het. Ons het pragtige bokse by instansies en winkelsentrums geplaas (pragtig ontwerp en gemaak deur kliente van ons Dagsorg):

- Riversdal Apteek
- Riversdal NG Kerk Wes-gemeente
- Riversdal Superspar
- Medi-Dal Apteek
- Hessequa Munisipaliteit
- Riversdal Biblioteek

Enige skenkings vir die projek kan ook by Goukam Health APD, Langstraat 40, Riversdal, afgegee word.

Ons sien uit na die projek en die gemeenskap se betrokkenheid.
Kontak ons vir enige verdere navrae @ 028 713 4130.

29/10/2026

Op Vrydag, 23 Oktober 2026, het ons 'n heerlike Roosterkoeke met wors en smoor verkope gehad. Baie dankie aan elkeen wat gehelp het, asook ieder en elk wat ons fondsinsamelingsprojek ondersteun het - dit word opreg waardeer!
Kyk uit vir ons fondsinsamelingsprojekte van 2027!

29/10/2026

Goukam Health APD was vandag bevoorreg om die burgemeester, mnr. Grant Riddles - Executive Mayor, Hessequa Municipality, en sy sekretaresse, Lenichia Willemse, te verwelkom. Hulle het ons besoek om persoonlik aan ons versorgers dankie te sê vir die belangrike diens wat hulle daagliks aan ons inwoners en die gemeenskap lewer.

Ons wil ook graag van hierdie geleentheid gebruik maak om mnr. Grant Riddles opreg te bedank vir die afgelope 10 jaar se ondersteuning en betrokkenheid by Goukam Health APD. Deur die jare het hy ons versorgers raakgesien, hul harde werk erken en jaarliks vanuit die Hessequa Munisipaliteit ’n bonus aan ons versorgers moontlik gemaak as ’n besondere blyk van waardering vir die waardevolle werk wat hulle verrig.

Vir ons beteken dit soveel meer as net ’n bonus – dit is die erkenning van mense wat elke dag met liefde, geduld en toewyding na ander omsien. Ons versorgers is die hart van Goukam, en dit het vir ons baie beteken om te weet dat hulle werk ook deur ons plaaslike munisipale leierskap raakgesien en waardeer word.

Terwyl mnr. Riddles nou sy termyn by Hessequa Munisipaliteit afsluit, wil ons hom met ’n baie groot dankie groet. Dankie vir 10 jaar waarin u ons ondersteun het, ons versorgers raakgesien het en ’n verskil gemaak het in die lewens van mense met gestremdhede.

Goukam Health APD waardeer u ondersteuning opreg en wens u alle voorspoed toe met die volgende hoofstuk. 💙

27/10/2026

Dankie aan The Julius Gordon Africana Centre vir 'n opvoedkundige oggend. Ons het die voorreg gehad om lede van ons Dagsorg te neem na die sentrum om meer te leer van Riversdal en sy geskiedenis. Dankie vir die vriendelike ontvangs!

27/10/2026

Ons sien baie uit na ons Boccia opening van Vrydag! Ons gaan ook heerlik Boccia verduidelik en speel en die dag saam geniet! Kom speel saam!!

Address

40 Long Street
Riversdale
6670

Opening Hours

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 15:00

Telephone

+27686550360

Website

https://goukamhealthapd.com/

Alerts

Be the first to know and let us send you an email when Goukam Health APD posts news and promotions. Your email address will not be used for any other purpose, and you can unsubscribe at any time.