10/07/2026
U përmbyll me sukses trajnimi CBT for Change, i zhvilluar në kuadër të projektit “Nga Krimi te Komuniteti: Ndërgjegjësimi i të Rinjve dhe Promovimi i Ripërdorimit Social të Pasurive të Sekuestruara”.
Në ditën e tretë dhe përmbyllëse, lektoret Joana Burxi dhe Anastasia Ristani udhëhoqën sesionin “Planifikimi i Rehabilitimit dhe Reduktimi i Recidivizmit”, me fokus në zbatimin institucional të ndërhyrjeve të bazuara në CBT. Pjesëmarrësit punuan mbi vlerësimin e rrezikut, hartimin e planeve individuale të rehabilitimit, strategjitë e riintegrimit social, monitorimin e progresit dhe ndërtimin e protokolleve të brendshme, duke finalizuar trajnimin me zhvillimin e mini-planeve konkrete për institucionet e tyre.
Ky sesion u pasurua edhe nga kontributi praktik i Alteo Kasaj dhe Vilma Ruci, të cilët asistuan pjesëmarrësit gjatë ushtrimeve dhe diskutimeve praktike.
Një falënderim i veçantë shkon për Risena Xhaja, Agjencinë e Administrimit të Pasurive të Sekuestruara dhe Konfiskuara (AAPSK) dhe Fondacionin Joscelyn, për besimin dhe mbështetjen në realizimin e këtij programi.
Mirënjohje edhe për Dr. Ariel Çomo për mbështetjen e vazhdueshme gjatë gjithë procesit, si dhe për Eleana Naçi, në rolin e Drejtueses Klinike për vizionin profesional dhe udhëheqjen e këtij trajnimi.
Faleminderit të gjithë profesionistëve pjesëmarrës për angazhimin, reflektimin dhe energjinë që sollën në këto tre ditë intensive. Besojmë se njohuritë dhe aftësitë e fituara do të shndërrohen në ndërhyrje më efektive dhe një ndikim pozitiv në rehabilitimin dhe riintegrimin social.
✨ Ky është vetëm fillimi. Së shpejti do të vijmë me iniciativa, trajnime dhe bashkëpunime të reja për të vijuar ndërtimin e kapaciteteve profesionale dhe promovimin e praktikave të bazuara në evidencë.
