07/07/2026
بمناسبة كأس العالم وماتش مصر والارجنتين ,,,
هنقول كلمتين من القلب وكلمتين مهمين جدا اتمني نسمعهم بتركيز!
نعرف بيهم حقيقة العالم كله بشكل عام مش حقيقة كأس العالم بس!
🔻🔻🔻
انا بعتبر النسخة دي من كأس العالم هي من اهم البطولات ع الاطلاق!
عشان ببساطة اظهرت للبشر كلهم ان العالم ككل ما هو الا مسرحية هزلية سخيفة ,,, بيتحكم فيها شلة من البلطجية!
المُختلف بس ان دول بلطجية لابسين بدل وجرفتات!
‼️
العالم دا عامل بالظبط زي برج كبير! 🏢
عبارة عن دور ارضي مقسوم ومعزول ,,,! وفوقيه باقي الادوار!
‼️
شله البلطجية دول هم ال راكبين الادوار ال فوق! ومكتفين كل العالم ف الدور ال تحت يخنقوا فيه بعض ويزاحموا بعض ع فتافيت النجاح المادي والنفسي والمعنوي!
🤐
ومش بس كدا! احنا كبلطجية هنألف شوية قوانين عشان نتحكم فيكم! ولكن القوانين دي متنساش هي مش هتمشي علينا! دا انا عاملها عشان تمشي عليك انت وغصب عنك!
لكن انا كبلطجي هدخل اكسر القانون عادي واخد من جوا بيتك ال انا عاوزه! لو احتاجت انا لدا!
او هدخل اخد منك ابنك او زرعتك ال بتزرعها لو لاقيتها ريحتها حلوة وهتفيدني! او هكسرهالك لمجرد انك متسرحش بخيالك ف انك ممكن تكبر بشكل معين او تعيش عيشة معينة!
انت ليك حدود الدور الارضي وبس!
لو فكرت تطلع برجلك سلمة لفوق هكسرهالك!
‼️
❌
اوعي تفتكر ان فيه حاجة ف العالم اسمها ديمقراطية! او حقوق انسان او حيوان او اى حقوق! اوعي تفتكر ان العدل شيء موجود وحقيقي!
كل الكلام دا نتكلم فيه وناخد وندي طول ما انت ف الدور الارضي وطول ما انت ضعيف وطول ما انت بتاكل ف اخوك جوا بيتك وطول ما انت بعيد عن الادوار العلوية!
لكن مجرد ما تلعب مع الكبار هتتفرم ومش هنشوف ولا هنعرف اى قانون!
❌❌
كاس العالم المرادي كان وسيلة سهلة وقوية عشان الناس تفهم وتتاكد من الكلام دا بشكل واضح وضوح الشمس!
🔻بداية من القرار الفاضح ال ملوش اي علاقة باى قوانين او اسس قوانين الكرة ف ماتش البلد المستضيف مع بلجيكا! لما الرئيس البلطجي عمل تليفون للاراجوز ال معينينه وقاله عندنا اهم لاعب ف الفرقة واخد طرد وميرضكش اننا نلعب من غيره، شيل الطرد عشان احبك واسهمك تزيد!
بس كدا ؟! حاضر يا فندم تؤمر ,,, حالا الطرد اتشال والولد يلعب براحته!
‼️‼️‼️‼️‼️
وانهاردة المنتخب ربنا يبارك فيهم جهاز فني ولاعيبة عملوا ماتش اعجازي
قدام اقوي فرقة ف العالم! احنا كل فرصنا ف الفوز قبل الماتش كانت لا تتعدي 1% واى واحد متخصص او هيحكم عقله عارف النسبة دي كويس
ودا مش عيب ولا تقليل مننا لكن الناس دي سبقانا كتير ف المجال دا
ويكفي ان بيلعب معاهم كائن فضائي ملوش علاقة بالبشر فيما يخص اللعبة وفنون ومهارات لعبة كرة القدم!
ولما كانت ال 1% ع وشك انها تحصل بدأت المسرحية تشتغل والتليفونات والاشارات تشتغل! لا مينفعش يخسروا! فيها خساير بالمليارات دي
فا اظلم وافتري يا حكم ويا فار ويا فيفيا واعملوا اى حاجة ظالمة وعاهرة عادي! احنا مبيهمناش حد! المهم نحافظ ع الفريق ال احنا عاوزينه يفضل ويستمر عشان مكاسب الفرجة والاعلاانات دي يطير فيها رقاب!
‼️
ولما العميد ربنا يبارك فيه ال يستاهل لقب العميد عن كل جدارة واستحقاق بدأ يتكلم ويشيل علم اخواتنا قالك ضيقوا عليه ومتدلوش اى فرصة تاني للكلام ولو اتكلم ف اى حاجة مش ع مزاجنا او تعملنا وجع دماغ ادخل فورا واقطع عنه الكاميرا والميكرفون! وبالفعل انهاردة وهو ف وسط المؤتمر قطعوا عنه الكلام وحجموا صوته!
‼️‼️‼️‼️‼️
رسالة للجميع:
اوعي العالم يغيرك! واوعي تبقي شبهم! واتقي الله دايما وابدا ف كل قول او فعل! اتق الله ف نفسك واتق الله ف ال حواليك!
واعرف دايما ان الظلم ظلمات! والظلم بيتردلك ف الدنيا وف الاخرة! وربك رقيب بصير وبالمرصاد سبحانه وتعالي!
وربك اسمه العدل!
💯💯💯💯💯
قال النبي ﷺ: "يا غلام، إني أعلمك كلمات: احفظ الله يحفظك، احفظ الله تجده تجاهك، إذا سألت فاسأل الله، وإذا استعنت فاستعن بالله، واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، وإن اجتمعوا على أن يضروك بشيء لم يضروك إلا بشيء قد كتبه الله عليك، رُفعت الأقلام وجفت الصحف"
✅✅✅✅✅
هتقولي يا دكتور شيفو طيب وليه ربنا سايب اخواتنا يحصل فيهم ال بيحصل! وسايب العالم سايد فيه الظلم!
هقولك ان سبحانه وتعالي كل شيء عنده بمقدار ومحسوب ومفعول!
هقولك ان دي سنة الدنيا! دا العادي والطبيعي ف الدنيا!
ربنا سبحانه قادر فلحظة يخسف بكل الظالمين الارض!
ولكن دي الطريقة ال ربنا بيختبر بيها الناس وبيفرزهم وبيرتبهم!
ف الدنيا وف الاخرة!
الابتلاء لاخواتنا مثلا دا اختبار لكل اصحاب القرار ولكل ذو سلطان!
عملت اي بقرارك وبسلطانك! واختبار لكل البشر ولكل واحد فينا! عملت اي لنصرة المظلوم بالادوات المتاحة ف ايدك!
‼️
وهو اختبار لاخواتنا نفسهم عشان يدخلوا منازل معينة عالية جدا ف الجنة! ممكن مكنوش يحلموا بربعها لو كانت ظروفهم غير كدا! او كانت ظروفهم عادية وطبيعية زي 90% من البشر! واحنا ف دار ممر مش دار مقر! ويا بخته ال يكون ليه رزقه الاكبر والدرجة الاعلي ف الجنة ان شاء الله تعالي!
اللهم اجعلنا مع النبيين والشهداء والصالحين وحسن اولائك رفيقا ,,,
🫶🏻🫶🏻🫶🏻🫶🏻🫶🏻
رسايل للمنتخب وللعميد:
احنا فخورين بمنتخبنا جدا جدا! وكدا كدا كنا مؤهلين للخسارة ويكفينا ال عملناه كل الماتشات ال فاتت حلو ورضا وع قد امكانياتنا وان شاء الله القادم افضل واحسن وكلنا ثقة ف العميد! لكن الواحد حزين بس ع العهر ال حصل
واننا نطلع بخسارة مش عادلة وخسارة ظالمة ظلم بيّن!
🫶🏻
شكرا يا كابتن حسام ع انك كنت راجل واسد ومعملتش حساب لاي جربوع ملوش لزمة او اى دولة عرة ملهاش لزمة وقولت كلمة الحق ف وش الجميع
الموقف والكلمات ال للاسف استنناها من قامات كبيرة وللاسف خزلونا!
شكرا يا كابتن مرة تانية ,,, وكلنا ف ضهرك ان شاء الله!
وقبل دا كله فربنا معاك وكفي بالله حسيبا وكفي بالله وكيلا!
‼️
شكرا لرجالة المنتخب ال عملوا كل ال عندهم اسعدتونا وشرفتونا وعيشتونا حلم جميل والحمدلله مبسوطين بيكم وليكم ومعاكم وف ضهركم للاخر!
🫶🏻
شكرا لكل الدول العربية ال فضلت تشجعنا لاخر لحظة! احنا بنحبكم نفس الحب واكتر! وربنا يهدي بعض اهل الدول العربية ال واخدة الموضوع هزار واسفاف وضحك خصوصا دول شمال افريقيا! احنا بنحبكم وبندعمكم دايما! فاياكم تدخلوا الشيطان بينا وافتكروا دايما ان احنا كعرب مش هيكون لينا اى قيمة ف العالم الا لما فعلا نبقي ايد واحدة!
طولت عليكم ,,, لكن حبيت ادردش معاكم ف كلام مهم لعل وعسي يكون سبب ف تحسين شكل وطريقة نظرتك للعالم وللبشر!
ولعل وعسي انك ترجع تفتكر دايما الاية الكريمة!
" ومن يتق الله يجعل له مخرجا " صدق الله العظيم!
في ظل كل العك والظلم دا! خليك دايما مع ربنا واتق ربنا وانصر ربنا
هينصرك الله وهيحميك الله وهيعزك الله!
"هل جزاء الإحسان إلا الإحسان" ,,, صدق الله العظيم
دمتم بصحة وفي ستر من المولي عز وجل
حسبنا الله ونعم الوكيل
