04/10/2026
من يومين دخل عليا العيادة احمد وباباه ووشهم مليان زعل وحسرة ‼️
بصيت ع ايد احمد لاقيت ايده مربطة بسبب اصابة لسه طازة ف التمرين
‼️
- شوفت يا د شيفو! عملنا زي ما قولتلنا المرة ال فاتت لما اشتكينالك من الناس ال مركزة معانا وان العيون ع احمد ف كل مكان! وحضرتك نصحتنا باننا نصلي الفروض دايما ف وقتها ونقول اذكار الصباح والمساء ونحافظ ع ذكر الله باستمرار! شوف يا دكتور الحمدلله برده حصلنا اى انهاردة!
‼️
= طيب وفين المشكلة يا جماعة ؟! الحمدلله علي كل حال وبسيطة
ان شاء الله! الابتلاء من المولي عز وجل دا من سنن الدنيا وحصل وبيحصل وهيحصل❗
والاذكار مش لازم يكون معناها المنع التام من الابتلاء!
❌
الاذكار والاستعاذة بالله والاستعاذة بالاذكار بامر الله مانع وحافظ للناس! ولكن اوقات ممكن يكون الاذكار سبب في " اللُطف في القدر ! "
💯💯✅💯💯
يعني انت لولا الاذكار دي كان زمان الله اكبر ف ابتلاء اكبر واصعب بكتير!
‼️
- والله يا دكتور الحمدلله علي كل حال واحنا ان شاء الله مستمرين ع النصايح وربنا يبعد عنا الشر!
🤲🏻🤲🏻🤲🏻🤲🏻🤲🏻
كابتن احمد البوب 2015 ما شاء الله ربنا يبارك ربنا كرمه السنادي ولاول مرة انه يتسجل ف نادي! والحمدلله دا بسبب موهبته ال ميختلفش عليها 2 وبسبب ان الحمدلله قدرنا نوصل لكتلة قوية ونزيد ف الوزن والطول ربنا يبارك ,,, بعد محاولات كتيرة عملوها قبل كدا قبل ما يجولي العيادة!
فالحمدلله قدرنا نخلي المهارة مع جسم مناسب يليق بيها!
🌟✅💯
والموقف دا حصل بالفعل ف العيادة من يومين وحبيت اشارككم معايا ونرتب شوية افكار تاني ورسايل لكل من هم ف الوسط الرياضي:
1- اولا رسالة للناس الكل ,,, دايما لو شوفت حد كويس او مميز او احسن من ابنك او بنتك ادعيله بالبركة " ربنا يباركله ويزيده " دا لو عاوز ف يوم من الايام تشوف ابنك او بنتك زيه واحسن منه! ولو عاوز قلبك يفضل دايما نضيف ونقي وميسودش! ,,, من اكبر اسباب موت وقسوة وسواد القلب هو الحقد والحسد! ربنا يحفظنا ويعافينا ...
‼️‼️‼️‼️‼️
2- رسالة لكل الرياضيين ,,, استعين دايما بالاذكار صباحا ومساءا وف كل وقت! ولازم تقولها عن يقين تااااااام! ان الله سبحانه وتعالي سامعك وشايفك وانه هيحفظك بسببها باذن الله! فرق كبير بين الذكر باللسان! والذكر بالقلب وعن صدق وايمان تام!
✅✅✅✅✅
3- قولت الاذكار ؟ بقلبك وباخلاص ؟ ,,, حصل ابتلاء ؟ ,,, عادي وبتحصل وعادي جدا جدا! ,,, فورا قول الحمدلله ! ,,, واصبر واحتسب ف وقتها وفورا! هو دا الوقت الحقيقي لاختبار انت هتحمد وتشكر ربنا ولا هتجزع وتيأس وتندب حظك! ,,, الصبر الحقيقي والاختبار الحقيقي ف وقت البلاء نفسه مش بعدها لما تهدي!
🌟🌟🌟🌟🌟
4 - اوقات كتير الابتلاء بيكون زي اختبار لينا من ربنا سبحانه وتعالي! عشان يختبر مدي ايمانا بالله سبحانه وتعالي ومدي ايمانا بان ربنا سبحانه وتعالي هو حقا الحافظ والمانع والمعطي والمُعين! سبحانه وتعالي! فركز واجهز دايما وخلي ذهنك حاضر.
5 - واوقات تانية كتير بيكون الابتلاء ف ظاهرة الالم والصعوبة والمنع و و الخ! ولكن " لو اتطلعت ع الغيب ل اختارت الواقع! " ممكن ابتلاء انت شايفه كبير وعظيم لكن ربنا كتبه عليك بيمنع بيه عنك ابتلاء اكبر واعظم بكتير انت ممكن مكنتش تقدر تتحمله او تستوعبه!
❗❌❗
مثلا مكان كنت عاوز تروحه او فرصة كنت عاوز تفوز بيها! ف ظاهرها المكسب والنجاح! وف باطنها صعوبة والم وضياع انت ربنا حفظك ومنعنك عنه! ولسه الفرصة الاحسن والافضل مش معادها دلوقتي ومش دا مكانها!
‼️
او مثلا ايدك ال اتعورت او اتجبست دي كانت بدل انك تبطل رياضة خالص! ,,, فدايما نقول الحمدلله وبكل صدق وتسليم! ربنا سبحانه وتعالي اعلم بقلوبنا وباحوالنا وبال نقدر نستحمله وبال نقدر منستحملوش!
✅✅💯✅✅
ربنا يبعد عننا كل شر! ويحمينا من شر كل حاسد وحاقد!
وربنا يهدي كل حاسد وحاقد ويطهر قلوبهم من الحسد والحقد!
وربنا يصبرنا جميعا ع ابتلاءاتنا وعلي صعوبات حياتنا ,,, اميييين!
وندعو الله دائما وابدا بان لا يبتلينا بما لا نستطيع عليه صبرا! اللهم امين!
🤲🏻🤲🏻🤲🏻🤲🏻🤲🏻
لو عندك قصة حابب تشاركنا بيها من دروس وعِبر الابتلاءات وقصص حًسن التوكل علي الله شاركنا بيها ✅
وابعت الكلام لكل واحد محتاج يقرا الكلام دا 💯
وعاش العاش 🫶🏻
اللهم يا مُقلب القلوب ثبت قلوبنا علي دينك ,,, امين 🤲🏻
وصلي اللهم وسلم علي محمد وعلي اله وصحبه اجمعين والحمدلله رب العالمين ,,, 🌟💯✅
