Dr Abdi Adugna

03/08/2026

To whom it may concern 👉

የብቃት ምዘና ፈተና ለምትወስዱ ጤና ባለሙያዎች በሙሉ
_______

የጤና ሚኒስቴር ነሀሴ 13-15 /2018 ዓ.ም ለሚሰጠው የብቃት ምዘና ፈተና ለመውሰድ ስማችሁን ከፋይዳ ቁጥር ጋር አያይዛችሁ በመጠባበቅ ላይ ለምትገኙ የጤና ሙያ ተመራቂዎች በሙሉ፤ ተመዛኞች ከሀምሌ 27- 30/2018 ዓ.ም ድረስ ብቻ https://hple.moh.gov.et/ ማስፈንጠሪያ /Link/ በመጫን FAYDA and Password በማስገባት የፈተና ጣቢያ እንድትመርጡ እናሳስባለን፡፡

ማሳሰቢያ፦
▪ እያንዳንዱ የፈተና ጣቢያ በየሙያ መስኩ ማስተናገድ በሚችለው ከፍተኛ የተመዛኝ ቁጥር ልክ ገደብ ስለተቀመጠለት የፈተና ጣቢያ ምርጫ ቀድማችሁ በማጠናቀቅ ተጠቃሚ መሆን የምትችሉ መሆኑን እያሳወቅን ከፍተኛው የተመዛኝ ቁጥር በደረሰበት የፈተና ጣቢያ ላይ ተጨማሪ ምዝገባ ማከናወን የማይቻል መሆኑን እናሳስባለን።

▪ በምዝገባ ወቅት ለሚገጥማችሁ ማንኛውም ችግር በነጻ የስልክ መስመር 952 በመደወል ከዚያም 3 ቁጥርን በመጫን በቀጥታ እገዛ ማግኘት የምትችሉ መሆኑን ከወዲሁ እናሳስባለን፡፡

Website: moh.gov.et
Facebook: Ministry of Health,Ethiopia
Twitter: x.com/fmohealth
YouTube: youtube.com/
Tiktok: tiktok.com/
Telegram: t.me/M0H_EThiopia
Linkedin: lnkd.in/ewFJ6

28/07/2026

⚠️

Namni tokko wal-qunnamtii saalaa marsa tokko (single act of unprotected s*x) keessatti carraan inni dhukkuba qabamuu 0.08% dha. Kan vaayirasii tiruu gosa B ( ) garuu 20–30% dha!

look at how dangerous it is!

28/07/2026

Har’a Guyyaa Kulkula Tiruu Addunyaa (World Hepatitis Day) ti!
Guyyaan kunis waggaa waggaan akka addunyaatti Adoolessa 28 (July 28) kabajama.
Kaayyoon isaa hubannoo waa’ee kulkula tiruu, keessumaa kulkula tiruu vaayirasiin (viral hepatitis) dhufu uumuu fi babal’isuudha. Kana malees, dhukkuba kana ofirraa ittisuuf, qorannoo yeroo yerootti gaggeessuu, talaallii dhukkubicha ittisuuf gargaaru dursanii fayyadamuu, karaalee dhukkubichi itti daddarbu hubachuu, akkasumas yoo vaayirasiin kun dhiiga keessatti argame ta’e, saffisaan yaala barbaachisaa argachuuf kakaasuudha. Tarkaanfiiwwan kunneen du’aatii dhukkuba kanaan dhufu hir’isuuf gahee olaanaa qabu.
Keessumaa biyya keenya keessatti dhukkubni kun baay’inaan mul’achaa kan jiruufi lubbuu namoota hedduu galaafateedha. Kanaafuu, namni hundi qorannoo kulkula tiruu akka godhatu ni gorfama.
Odeeffannoo fayyaa argachuuf https://t.me/drabdiadugna miseensa ta'aa!

Dr Abdi Adugna
Fayyaa hin dhabinaa!

21/06/2026

"Dhaqee cinaachikoo, yommuu lafa gahu
Waanan rafeen se'a, nan rafeef hin rafne
Hin rafne jechuufis, ciisa koorran jira!"
Ammas nuun waan akkanaa tanatu nutti jira💔

Hachalu's Week!
We keep his legacy alive!😍

17/06/2026

Gaaffiin kun namoota hedduu irraa, iddoo hedduuttis na muudata!
Innis, "Doktora, marsaa laguu tokko keessatti yeroon itti ulfi uumamuu danda'u fi yeroon itti ulfi uumamuu hin dandeenye yoomi?" kan jedhu dha.
✍️Deebiin isaa: Marsaa laguu tokko keessatti yeroon carraan ulfaa'uu 100% ta'u yookaan ammoo 0% ta'u hin jiru.
Dubartiin tokko marsaa laguu tokko keessatti carraa ulfaa'uu 20%–25% qabdi. Carraan kun yeroo murtaa'e keessatti caalaatti ol ka'a; yeroo kana "fertility window" (yeroo carraan ulfaa'uu olaanaa ta'e) jechuun beekama.
Yeroon kunis hanqaaquun (o**m) oovaarii irraa gad dhiifamuuf (ovulation) dura guyyoota 5 fi erga gad dhiifamtee booda guyyaa 1 keessatti kan argamu dha. Kanaafuu, guyyoonni kun yeroo carraan ulfaa'uu caalaatti ol ka'u dha.

Fayyaa hin dhabinaa
Dr Abdi Adugna

https://t.me/drabdiadugna

17/06/2026

Bunaafi nagaa hin dhabinaa🕳❤️‍🔥

Lafa nagaa oolaa✌️

16/06/2026

Sababoota Hafuu Marsaa Laguu (Amenorrhea)
1. Sababoota Uumamaa (Natural Causes)
* Ulfa qabaachuu.
* Harma hoosisuu.
* Umurii marsaa laguu itti argan gahuu dhabuu (waggaa 15 gadi).
* Umurii marsaan laguu itti dhaabbatu(waggaa 49 ol (menopause)) ga'uu.
2. Sababoota Dhukkuboota Garaagaraatiin Walqabatan (Medical Conditions)
* Dhukkuboota akka xannacha mormaa (thyroid disease) fi dhukkuba sukkaaraa (Diabetes Mellitus).
* Jeeqamuu hormoonota marsaa laguu to'atan; fakkeenyaaf, hormoonota xannacha , fi ovaarii irraa maddan.
* Madaa'uu ykn miidhamuu keessoo gadameessaa.
* Qaamni walhormaataa uumamaan cufamuu , fknf (imperforate h***n).
3. Haala Jireenyaa (Lifestyle Factors)
* Ulfaatinni qaamaa garmalee gadi bu'uu ykn ol ka'uu (underweight ykn overweight).
* Sochii qaamaa garmalee taasisuu; fakkeenyaaf, atileetota irratti yeroo baay'ee mul'ata.
* Dhiphina sammuu garmalee (stress ykn depression).

Hubachiisa
Hafuun marsaa laguu mallattoo dha malee dhukkuba miti. Kanaafuu, yeroo mallattoon kun mul'atu, sababni isaa maali akka ta'e adda baasuuf mana yaalaa deemanii qorannoo gahaa taasisuun barbaachisaadha. Kunis fayyaa ofii eeguuf murteessaadha.
Fayyaa hin dhabinaa!

Dr Abdi Adugna hordofaa

Odeeffannoo fayyaan wal qabatu argachuuf: https://t.me/drabdiadugna

09/06/2026

Hafuu Marsaa Laguu (Amenorrhea)

Yeroo baay’ee, dubartoonni umurii walhormaataa keessa jiran (waggaa 15–49) gaafa marsaan laguu isaanii hafu, keessumaa ammoo yoo abbaa warraa isaanii waliin jiraatan, guutummaatti sababa ulfaa’aniif akka ta’e amanu. Kun garuu yeroo hunda dhugaadhaa?
Deebiin isaa: dhugaa miti!
Sababni isaas, ulfaa’uun alatti, marsaan laguu sababoota garaagaraatiin hafuu mala.
Mee akka fakkeenyaatti, muudannoo lafa hojii kootti na muudate tokko isiniif haa qoodu.
✍️ Dubartiin giddu-galeessaan umurii waggaa 27 taate tokko, marsaa laguu ji’oota 8f hin argin, kutaa yaala ariifachiisaa (Emergency Room) dhufte. Sababni isheen dhufteefis (chief complaint), “dhiigni gara qaama walhormaatan narraa dhangala’aa jira!” kan jedhu ture. Itti dabaltees, ulfa ji’a saddeetii garaatti baattee akka jirtu, erga heerumtee waggaa lama akka ta’e fi hordoffii yeroo ulfaa akka hin qabne naaf himte.
Nutis, dhiiguun yeroo ulfaa dahuumsaan dura muudatu (antepartum hemorrhage) mallattoolee yeroo ulfaa hamoo keessaa tokko waan ta’eef, atattamaan waan isheef barbaachisu erga goonee booda gara qorannoo qaamaa (physical examination)tti ceene. Achiinis, yeroo qorannoo garaa (abdominal examination) irra ga’u, wanti ani arge, waanan kana dura baradhe irraa adda ture.
Yeroon harka koo garaa haadha kanaa irra kaa’u, garaan ishee natti lallaafaa ture. Jechuunis, miciree ulfaa osoo hin taane, waan akka dhangala’aan guutame fakkaata ture. Wanti isheen natti himte fi wanti ani qorannoo qaamaa irratti arge wal hin simne waan ta’eef, anis dafee gara qorannoo laaboraatoorii (laboratory) fi ultraasoondii (ultrasound) erge.
Yeroo bu’aan qorannoo dhufes, haati kun ulfa akka hin taane mul’ise. Kana qofa osoo hin taane, bishaanichi garaa keessatti walitti qabame kan ture sababa kalladoo oovaarii (ovarian tumor) irraa akka ta’e agarsiisa.
Kun ana baay’ee na rifachiise. Sababni isaas, isheenis ta’e maatiin ishee, “ilmoo arganna!” jechuun gammachuudhaan ishee waliin gara hospitaalaa dhufanii turan; kanaafuu, bu’aa qorannoo akkanaa fudhachuuf qophaa’oo hin turre.

ERGAA (MESSAGE)
Kanaafuu, marsaan laguu hafuun sababa hedduudhaan ta’uu danda’a. Waanuma tokko qofa jechuun murteessuun sirrii miti. Keessumaa dubartoota umurii walhormaataa keessa jiraniif, hordoffiin yeroo ulfaa hangam barbaachisaa fi murteessaa akka ta’e hubachuun barbaachisaadha.

“Sababoonni hafuu marsaa laguu maal fa’i?” kan jedhuuf kutaa itti aanu keessatti walitti deebina.
Fayyaa hin dhabinaa!

Dr Abdi Adugna(MD)

Odeeffannoo fayyaa argachuuf gara link armaan gadii kanaan miseensa ta'a.
https://t.me/drabdiadugna