Govt. Lady Reading Hospital Peshawar

03/11/2026

🏥 لیڈی ریڈنگ ہسپتال (MTI) پشاور نے مریضوں، تیمارداروں اور شہریوں کی سہولت کے لیے جدید ملٹی اسٹوری کار پارکنگ کی سہولت فراہم کر کے ایک اہم قدم اٹھایا ہے۔ اس اقدام سے پارکنگ کے مسائل میں کمی آئے گی اور ہسپتال آنے والوں کو مزید منظم، محفوظ اور آسان ماحول میسر آئے گا۔

یہ ترقی عوامی سہولت اور بہتر طبی خدمات کی جانب ایک مثبت پیش رفت ہے۔ ویڈیو کو ضرور دیکھیں اور زیادہ سے زیادہ شیئر کریں تاکہ زیادہ سے زیادہ لوگ اس سہولت سے آگاہ ہو سکیں۔

, , , ,

02/11/2026

🦟 ڈینگی سے بچاؤ اور احتیاطی تدابیر | لیڈی ریڈنگ ہسپتال (LRH) پشاور

ڈینگی ایک مچھر سے پھیلنے والی بیماری ہے، جس سے بچاؤ کے لیے احتیاطی تدابیر اور بروقت آگاہی انتہائی ضروری ہے۔

لیڈی ریڈنگ ہسپتال (MTI) پشاور کے ڈاکٹر نے ڈینگی کی علامات، بچاؤ اور ضروری احتیاطی اقدامات کے حوالے سے اہم پیغام دیا ہے۔

عوام سے گزارش ہے کہ:
🔹 گھروں اور اردگرد پانی جمع نہ ہونے دیں۔
🔹 پانی کے برتن ڈھانپ کر رکھیں۔
🔹 صفائی کا خاص خیال رکھیں اور مچھروں سے بچاؤ کے اقدامات اپنائیں۔

تیز بخار، شدید سر درد، جسم میں درد یا دیگر علامات کی صورت میں بروقت طبی مشورہ حاصل کریں۔

احتیاط کریں، محفوظ رہیں اور ڈینگی کے خلاف اپنا کردار ادا کریں۔

28/10/2026

23/10/2026

🏥 لیڈی ریڈنگ ہسپتال ایم ٹی آئی پشاور کی جانب سے دیر کالونی کے زخمی بچوں کا گھروں میں جا کر دوبارہ طبی معائنہ

پشاور کے علاقے دیر کالونی میں اسکول کی چھت گرنے کے افسوسناک حادثے میں زخمی ہونے والے بچوں کی مکمل صحت یابی کو یقینی بنانے کے لیے لیڈی ریڈنگ ہسپتال ایم ٹی آئی پشاور کی انتظامیہ نے خصوصی اقدام اٹھایا۔

ہسپتال انتظامیہ نے بچوں کو دوبارہ ہسپتال بلانے کے بجائے ڈاکٹروں کی ایک خصوصی ٹیم کو ان کے گھروں پر بھیجا، جہاں ہر بچے کا تفصیلی طبی معائنہ کیا گیا، ضروری طبی امداد فراہم کی گئی اور زخموں کا جائزہ لیا گیا۔ معائنے کے دوران بیشتر بچوں کی صحت اطمینان بخش پائی گئی، جبکہ جن بچوں کے ٹانکے لگائے گئے تھے، ان کے ٹانکے بھی کھول دیے گئے۔

اس موقع پر مس ناہید جہانگیر، اسسٹنٹ میڈیا منیجر (سوشل میڈیا ٹیم) نے بھی بچوں اور ان کے اہلِ خانہ سے ملاقات کی۔ انہوں نے بچوں سے خوشگوار ماحول میں گفتگو کی، ان کی خیریت دریافت کی، حوصلہ بڑھایا اور جلد مکمل صحت یابی کے لیے نیک تمناؤں کا اظہار کیا۔ بچوں اور والدین نے اس محبت بھرے رویے کو سراہتے ہوئے ہسپتال انتظامیہ کا شکریہ ادا کیا۔

اسی موقع پر پشاور بیرکس کی جانب سے متاثرہ بچوں کے لیے فراہم کی گئی امدادی اشیاء بھی ان کے حوالے کی گئیں۔

بچوں کے والدین نے لیڈی ریڈنگ ہسپتال کے ڈاکٹروں، نرسنگ اسٹاف، سوشل میڈیا ٹیم اور تمام طبی عملے کی بروقت، پیشہ ورانہ اور انسان دوست خدمات کو سراہتے ہوئے ان کا دلی شکریہ ادا کیا اور بھرپور خراجِ تحسین پیش کیا۔

20/10/2026

بہترین الفاظ کا انتخاب، گفتگو میں عاجزی اور دوسروں کے لیے احترام کا جذبہ اللہ تعالیٰ کی خاص عطا ہوتی ہے۔ ہر انسان کو یہ خوبیاں نصیب نہیں ہوتیں، اور یہی اوصاف کسی شخصیت کے اصل مقام اور کردار کو ظاہر کرتے ہیں۔

اللہ تعالیٰ جسے عزت عطا فرماتا ہے، وہ اس کے فضل و کرم سے ہوتی ہے۔ اگر دنیا کی کوئی طاقت اس عزت کو کم کرنے کی کوشش بھی کرے تو اللہ تعالیٰ کے فیصلے کے سامنے کوئی تدبیر کامیاب نہیں ہو سکتی۔

ہم دعا کرتے ہیں کہ اللہ تعالیٰ ہر ادارے کو ایسے مخلص، شفیق، دردِ دل رکھنے والے اور عوام کی خدمت کا جذبہ رکھنے والے افراد عطا فرمائے، جو اپنی ذمہ داری کو امانت سمجھ کر نبھائیں اور لوگوں کے لیے آسانیاں پیدا کریں۔

یقیناً ایسے افراد کسی بھی ادارے کے لیے اللہ تعالیٰ کی ایک بہترین نعمت ہوتے ہیں۔

20/10/2026

اللہ تعالیٰ جسے عزت عطا فرماتا ہے، وہ اس کے فضل و کرم سے عطا ہوتی ہے۔ قرآن و سنت کی تعلیمات ہمیں یہ سکھاتی ہیں کہ اصل عزت اللہ تعالیٰ کے اختیار میں ہے، وہ جسے چاہے عزت عطا فرمائے اور جسے چاہے آزمائے۔ کوئی طاقت اللہ تعالیٰ کے فیصلے کو روک نہیں سکتی۔

دنیا میں بعض اوقات ایسے رویے بھی دیکھنے کو ملتے ہیں جہاں لوگ دوسروں کی کامیابی، عزت یا مقام پر تنقید کرتے ہیں، لیکن ایک مسلمان کا راستہ ہمیشہ خیر خواہی، حکمت اور دعا کا ہونا چاہیے۔

ہمیں چاہیے کہ اللہ تعالیٰ کی عطا کردہ نعمتوں کی قدر کریں، دوسروں کے لیے بھلائی کی دعا کریں اور اپنے دلوں کو حسد، بغض اور منفی سوچ سے محفوظ رکھیں۔

اللہ تعالیٰ ہم سب کو صراطِ مستقیم پر چلنے، حق کو سمجھنے اور ایک دوسرے کی عزت کرنے کی توفیق عطا فرمائے۔ آمین۔

19/10/2026

یہ کیسا ہسپتال ہے بھائی؟؟

آئیے آج جانتے ہیں ایک مریض کو دی جانے والی سہولیات جو کہ وہ خود بیان کر رہا ہے۔

18/10/2026

جدید ہسپتالی نظام میں عہدوں کی ذمہ داریاں واضح، ہر شعبہ اپنی مہارت کے مطابق

ایک جدید ہسپتال کا مؤثر نظام صرف ڈاکٹروں پر منحصر نہیں ہوتا بلکہ مختلف شعبوں کے ماہرین کی مشترکہ پیشہ ورانہ صلاحیتوں، تجربے اور منظم مینجمنٹ سے چلتا ہے۔ ہسپتال میں ہر عہدے کی اپنی الگ ذمہ داریاں، اختیارات اور دائرۂ کار ہوتا ہے۔

انتظامی امور کی نگرانی ہسپتال ڈائریکٹر (Hospital Director) کی ذمہ داری ہوتی ہے، جبکہ طبی و کلینیکل معاملات میڈیکل ڈائریکٹر (Medical Director)، نرسنگ سروسز نرسنگ ڈائریکٹر (Nursing Director) اور تعلیمی و تربیتی امور ڈین (Dean) کی نگرانی میں انجام پاتے ہیں۔

*پاکستان کے معروف طبی ادارے پاکستان کڈنی اینڈ لیور انسٹی ٹیوٹ* (*PKLI*) *میں بھی جدید ہسپتال مینجمنٹ کے اسی اصول کو اپنایا گیا ہے، جہاں مختلف عہدوں کے لیے واضح ذمہ داریاں اور دائرۂ اختیار مقرر ہیں۔ PKLI ایک JCI (Joint Commission International) سرٹیفائیڈ ادارہ بھی ہے، جو عالمی معیار کے مریضوں کی حفاظت، علاج کے معیار اور ہسپتال کے انتظامی نظام کو یقینی بنانے کے لیے معروف ہے*۔

ڈین کا کردار طبی تعلیم، فیکلٹی کی نگرانی، تربیتی پروگرامز اور اکیڈمک معیار کو برقرار رکھنا ہوتا ہے، جبکہ ہسپتال ڈائریکٹر انتظامی امور، وسائل کے بہتر استعمال اور ادارے کے مجموعی نظم و نسق کی نگرانی کرتا ہے۔

ماہرین کے مطابق ہسپتال ڈائریکٹر کے عہدے کے لیے صرف ڈاکٹر ہونا ہی واحد معیار نہیں ہونا چاہیے، بلکہ انتظامی صلاحیت، قیادت، متعلقہ تجربہ، فیصلہ سازی کی اہلیت اور جدید ہسپتالی نظام کو چلانے کی قابلیت کو بھی بنیادی اہمیت دی جانی چاہیے۔

جدید ہسپتالی نظام کا مقصد یہی ہے کہ ہر شعبے کی قیادت اسی شعبے کے تقاضوں کے مطابق اہل اور تجربہ کار افراد کے سپرد ہو، تاکہ مریضوں کو بہترین سہولیات فراہم کی جا سکیں اور ادارہ شفاف، منظم اور مؤثر انداز میں کام کر سکے۔

15/10/2026

لیڈی ریڈنگ ہسپتال ایم ٹی آئی پشاور کے ہسپتال ڈائریکٹر محمد طارق خان برکی نے آج پیش آنے والے افسوسناک سانحہ پر متاثرہ خاندانوں بالخصوص والدین سے دلی ہمدردی اور اظہارِ افسوس کیا ہے۔

انہوں نے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے، زخمیوں کو جلد صحت یابی دے اور غمزدہ والدین و اہلخانہ کو صبرِ جمیل عطا فرمائے۔

ہسپتال ڈائریکٹر نے اس موقع پر تمام طبی عملے، ریسکیو اداروں اور دیگر متعلقہ اداروں کا بھی شکریہ ادا کیا جنہوں نے مشکل وقت میں اپنی ذمہ داریاں بھرپور انداز میں نبھائیں اور متاثرین کی مدد و علاج کے لیے عملی کردار ادا کیا۔

اللہ تعالیٰ تمام متاثرہ خاندانوں کے زخموں پر صبر اور حوصلے کا مرہم رکھے۔