Midega Tola Primary Hospital

Directions

Midega Tola Primary Hospital Wantoota hospitaalicha keessatti hojjataminii fi tan hospitaalichi hawaasa keessatti hojjatu bifa qindaa'een kan isiniif dhiheessuudha.

🩺 DUULA TAJAAJILA BAQAAQSANII YAALUU GARA HAWAASAATTI📍 —BUUFATA FAYYAA BOKKOGuyyaa 21/01/2019 Aanaa Faadis, Buufata ...
10/01/2026

🩺 DUULA TAJAAJILA BAQAAQSANII YAALUU GARA HAWAASAATTI

📍 —BUUFATA FAYYAA BOKKO

Guyyaa 21/01/2019 Aanaa Faadis, Buufata Fayyaa Bokkootti, gareen ogeessota fayyaa Hospitaala Midhagaa Tolaa, (General Surgery Specialist) durfamuun, duula tajaajila baqaqsanii yaaluu gaggeesseera.

Duula kana keessatti sakatta’iinsi Altraasaawundii (Ultrasound Screening) fi baqaqsanii yaaluu xixiqqaa (Minor Surgery) garaagaraa hojjetamee Jira.

Duulli kun tajaajila fayyaa barbaachisaa ta’e gara hawaasaatti dhiyeessuun, uummanni tajaajila barbaadu bakka isaatti akka argatu taasisuuf kan qophaa’edha.

Hoggansi Hospitaala Midhagaa Tolaa, , ogeessota fayyaa hospitaalichaa fi buufataalee fayyaa waliin qindoominaan hojjechuun, tajaajila fayyaa hawaasaaf kennamu cimsaa jira.

🔹 Buufata Fayyaa Bokkootti tajaajilli baqaqsanii yaaluu xixiqqaa jalqabsiifameera.

Tarkaanfiin kun kallattii Mootummaa fi Biiroo Fayyaa Oromiyaa hordofuun, tajaajila fayyaa qulqulluu fi nageenya qabu gara hawaasaatti dhiyeessuu, akkasumas Dhaqqabummaa tajaajila fayyaa cimsuuf kan taasifamedha.

📢 Ummata keenyaaf:

Tajaajila fayyaa argachuuf fagoo deemuun isin hin barbaachisu. Tajaajila barbaaddan gara keessanitti dhiyeessaa jirra.

👉 Kottaa, tajaajila fayyaa Hospitaala Midhagaa Tolaa irraa fayyadamaa.

💚 Hospitaala Midhagaa Tolaa — Tajaajila Fayyaa Gara Hawaasaatti!

HOSPITAALA MIDHAGAA TOLAA📅 Guyyaa : 20/01/2019 Hospitaalli Midhagaa Tolaa, leenjii mata-duree “Professional Code of Cond...
09/30/2026

HOSPITAALA MIDHAGAA TOLAA

📅 Guyyaa : 20/01/2019
Hospitaalli Midhagaa Tolaa, leenjii mata-duree “Professional Code of Conduct and Ethical Healthcare Practice”, jedhamuu Qajeelfama Naamusa Ogummaa fi Tajaajila Fayyaa Naamusa Qabeessa, jedhu irratti xiyyeeffate, ogeessota fayyaa fi hojjettoota hospitaalichaa hundaaf kennuu jalqabeera.

Leenjiin kun marsaa jalqabaatiin guyyoota sadii (3)f kan kennamu yoo ta’u, baay’ina ogeessota fayyaa fi hojjettoota hospitaalichaa irratti hundaa’uun marsaa sadii (3)tti qoodamee, waliigalaan guyyoota sagal (9) keessatti ni kennama.

Hogganaan Ol’aanaa Hospitaala Midhagaa Tolaa, , kaayyoon leenjichaa tajaajila fayyaa keessatti naamusa ogummaa, safuu, aadaa fi duudhaa hawaasaa kabajuun, loogii tokko malee walqixxummaa, qulqullina, haqaqabeessummaa fi kabaja mirga dhukkubsataa bu’uura godhatee tajaajila fayyaa kennuu cimsuu ta’uu ibsaniiru.

Tajaajilli fayyaa hojii lubbuu namaa waliin kallattiin walqabatu waan ta’eef, naamusa ogummaa, itti-gaafatamummaa fi of-eeggannoo olaanaa gaafata. Kanaaf, ogeessonni fayyaa fi hojjettoonni hospitaalichaa safuu fi duudhaa gaarii hawaasaa kabajaa, tajaajila fayyaa qulqullina qabu, amanamaa, walqixa fi nama giddugaleessa godhate kennuuf itti-gaafatamummaa isaanii bahuun barbaachisaa ta’uu cimsanii dhaamaniiru.

Leenjii kana Meedikaal Daareektaarii Hospitaala Midhagaa Tolaa, , qindeessuun ogeessota fayyaa fi hojjettoota hospitaalichaatiif kennamaa jira.

Leenjiin kun beekumsa, naamusa ogummaa fi itti-gaafatamummaa hojjettootaa cimsuuf, akkasumas qulqullina tajaajila fayyaa fooyyessuu, nageenya dhukkubsataa eeguu fi amanamummaa hawaasaa caalaatti mirkaneessuuf kan qophaa’e dha.

“Naamusa Ogummaa Eeguun, Qulqullina Tajaajila Fayyaa Mirkaneessuudha.”

💊
09/23/2026

💊

Living with a noncommunicable disease can mean years of consultations, tests, medicines and follow-up care. At every ste...
09/17/2026

Living with a noncommunicable disease can mean years of consultations, tests, medicines and follow-up care. At every step, care must be safe.

This , we call for safe, quality care for people living with NCDs at every stage of the care journey.

Learn more: https://www.who.int/campaigns/world-patient-safety-day/2026

Bara Haaraa 2019 Geessan! #መልካም አዲስ ዓመት! New Year!Bara haaraan kun nagaa, gammachuu, fayyaa, badhaadhinaafi milkaa’in...
09/10/2026

Bara Haaraa 2019 Geessan!
#መልካም አዲስ ዓመት!
New Year!

Bara haaraan kun nagaa, gammachuu, fayyaa, badhaadhinaafi milkaa’ina Nuf haa ta'u!

አዲሱ ዓመት ሰላም፣ ደስታ፣ ጤና፣ ብልጽግና እና ስኬት ይዞላችሁ ይምጣ!
New Year bring you peace, happiness, good health, prosperity, and success!

Daneessuumaan kenna tajaajila fayyaa fedhii hawaasa garaagaraa hubatee deebii quubsaa kennu ijaara.Daneessummaan, ogeeyy...
09/09/2026

Daneessuumaan kenna tajaajila fayyaa fedhii hawaasa garaagaraa hubatee deebii quubsaa kennu ijaara.

Daneessummaan, ogeeyyii seenaa jireenyaa, muuxannoo, beekumsa, aadaa fi ilaalcha garaagaraa qaban walitti fida. Kunis kenna tajaajila fayyaa fedhii hawaasa garaagaraa hubatee deebii quubsaa kennu ijaara.

Daneessummaan dandeettii kalaqaa, hojii garee, rakkoo furuu fi hariiroo cimsa. Akkasumas gareen hawaasaa kamiyyuu akka hin dagatamnes ni gargaara.

Fayyaan Faaya
Hospitaala midhagaa tolaa
Qaammee 4, 2018

GALATAA Fi ISA 👏Injineer Muraad Jamaal, bara 2018 keeysa yeroo gara garaatti, dhukkubsattoota harka qalleeyyii Hos...
09/08/2026

GALATAA Fi ISA 👏

Injineer Muraad Jamaal, bara 2018 keeysa yeroo gara garaatti, dhukkubsattoota harka qalleeyyii Hospitaala Midhagaa Tolaa keessatti yaalamaa turaniif, keessumaa haadholii da’umsaa baadiyyaa fagoo irraa dhufan, nyaachisee, obaase, uffisaa turee karaa adda addaatiin deeggaruun gumaacha namoomaa guddaa taasisaan . ❤️🙏

Gumaacha fi jaalala Namoommaa inni taasisaa tureef, Hospitaalli Midhagaa Tolaa guyyaa har’aa Certificate Beekkamtii fi Galataa isaanif kenneera. 🏆💚

🤝 Qabaattan Oromoo hundi fakkeenya gaarii Dargaggeessa kana irraa barachuun, nama rakkate bira dhaabbachuu fi gargaaruu qaba .

🙏 Rabbiin qabeenya isaaf haa dabalu; hojii gaarii isaa Tanaan ImX Isaa garaa Constructor gurguddaa biyyattii ol Isa guddisuu. Qamooleen bulchinsa motummaa hundinu Dargaggeessa Akkanaa Kanaa Jajjabeessuu fi Deegarsaa barbaachisuu godhuufii Qaban Carraa jiruu keeysaatti Akka Deegaaraniis Abdii qabna. 👏

🌱 “Gumaachi har’aa, fakkeenya boruu haa ta’u!”

🏥 CICHOOMINNI OGEEYYII FAYYAA — BU’UURA SIRNA FAYYAA DANDAMATAATI! 💚Ogeeyyiin fayyaa utubaa sirna tajaajila fayyaa ti. Y...
09/08/2026

🏥 CICHOOMINNI OGEEYYII FAYYAA — BU’UURA SIRNA FAYYAA DANDAMATAATI! 💚

Ogeeyyiin fayyaa utubaa sirna tajaajila fayyaa ti. Yeroo weerara dhukkubaa, balaa uumamaa, walitti bu’iinsaa fi haala muddamaa adda addaa keessatti cichoominaan, kutannoo fi quuqama olaanaadhaan hawaasa tajaajilu.

Cichoominni isaanii tajaajilli fayyaa yeroo mijataa qofa osoo hin taane, yeroo rakkoo fi muddamaa keessattillee akka itti fufuu fi sirni fayyaa dandamataa ta’u taasisa.

Hawaasnis itti gaafatamummaa isaa fudhatee fayyaa isaa cichoominaan eeggachuu, akkasumas gorsa fi qajeelfama ogeeyyii fayyaa hojiirra oolchuun gahee murteessaa qaba.

💚 Guyyaa Cichoominaa kana, Bulchaan Bulchiinsa Aanaa Miidhagaa Tolaa Obbo Abdii Abraahiim Odaa, akkasumas hoggantoonni Godinaa irraa dhufan, Hospitaala Miidhagaa Tolaa keessatti tajaajila fayyaa hawaasaaf kennamaa jiru daawwachuun, ogeeyyii fayyaa fi dhukkubsattoota yaalamaa jiran gaafachuun jajjabeessaniiru.

🙏 Ogeeyyii fayyaa, tajaajila fayyaa ummata keenyaaf kutannoo, cichoominaa fi quuqama guddaadhaan kennitaniif galatoomaa!

👏 Cichoominni keessan, abdii hawaasaati; tajaajilli keessan immoo bu’uura sirna fayyaa dandamataa ti.

Fayyaa keenya cichoominaan eeggachuun, imala ijaarsa sirna fayyaa dandamataa haa dhugoomsinu!

💚 FAYYAAN FAAYA!

Hospitaala Midhagaa Tolaa
📅 Qaammee 3, 2018

🏥 Midega Tola Primary Hospital 📢 GAMAGGAMA RAWWII HOJII BARA 2018, SIRNA BEEKAMTII FI KAROORA OF-DANDA’UU BARA 2019📅 Qaa...
09/08/2026

🏥 Midega Tola Primary Hospital

📢 GAMAGGAMA RAWWII HOJII BARA 2018, SIRNA BEEKAMTII FI KAROORA OF-DANDA’UU BARA 2019

📅 Qaammee 3, 2018

Hospitaalli Miidhagaa Tolaa, Gamaggaama Raawwii Hojii Bara 2018, Sirna Beekamtii fi Marii Karoora Of-Danda’uu Bara 2019 gaggeesseera.

Gamaggaamni kun raawwii hojii bara 2018 madaaluu, bu’aawwan galmaa’an fi ciminaalee jiran adda baasuu, hanqinaalee fi qormaatawwan hojii keessatti mul’atan irratti mari’achuu, akkasumas muuxannoo bara darbe irraa barachuun kallattii hojii bara 2019 kaa’uuf kan gaggeeffameedha.

Gabaasa Raawwii Hojii Bara 2018 fi Karoora Of-Danda’uu Bara 2019 Meedikaal Daareektaarii Hospitaala Miidhagaa Tolaa, , dhiyeessaniiru. Gabaasicha irratti mariin bal’aan gaggeeffamee, yaadaa fi gorsi qaamolee hirmaatanii dhiyaateera.

Saganticha irratti Hojii Gaggeessaan Ol’aanaan Hospitaala Miidhagaa Tolaa, , raawwii hojii bara 2018 ilaalchisee ibsa bal’aa kennaniiru.

Akkasumas, Bulchaan Bulchiinsa Aanaa Miidhagaa Tolaa fi Walitti Qabaan Boordii Hospitaala Miidhagaa Tolaa, , akkasumas Itti Gaafatamaan Waajjira Fayyaa Aanaa Miidhagaa Tolaa fi Miseensi Boordii Hospitaalichaa, , Koreen Qindeessituu Aanaa fi keessummaan Kabaaja Godina Harargee Bahaa irraa dhufan saganticha irratti hirmaachuun yaada, gorsa fi kallattii hojii kennaniiru.

🏆 BEEKAMTII FI JAJJABEESSA HOJJETTOOTAA

Saganticha keessatti ogeeyyii fi hojjettoota hojii ga’umsa, kutannoo fi bu’a qabeessummaan raawwataniif badhaasni beekamtii fi Jajjabeessuuf kennameefi Jira a.

Sirni beekamtii kun hojii gaarii jajjabeessuu, itti gaafatamummaa cimsuu fi aadaa hojii bu’a qabeessa ta’e dagaagsuuf gahee olaanaa qaba.

🎯 KALLATTII HOJII BARA 2019

Bara 2019 keessatti:

▪️ Qulqullina fi nageenya tajaajila fayyaa fooyyeessuu;
▪️ Tajaajila fayyaa si’ataa fi dhaqqabamaa ta’e cimsuu;
▪️ Qabeenya fi meeshaalee Hospitaalichaa sirnaan fayyadamuu;
▪️ Galii fi karoora Of-Danda’uu cimsuu;
▪️ Itti gaafatamummaa fi hojii garee jabeessuu;
▪️ Hanqinaalee adda bahan irratti furmaata waaraa kennuu;
▪️ Ragaa fi odeeffannoo sirrii irratti hundaa’uun murtee kennuu

irratti xiyyeeffannoon ni kennama.

💚 XUMURA

Gamaggaamni Raawwii Hojii Bara 2018, bu’aa hojii bara darbe madaaluu qofa osoo hin taane, hanqinaalee sirreessuu, ciminaalee jabeessuu fi karoora hojii bara 2019 bu’a qabeessa ta’e diriirsuuf bu’uura ta’a.

Hospitaalli Miidhagaa Tolaa, tajaajila fayyaa qulqullina qabu, amanamaa, si’ataa fi hawaasaaf dhaqqabamaa ta’e kennuuf kutannoo guutuudhaan ni hojjeta.

🏥 HOSPITAALA MIIDHAGAA TOLAA

«“Hojii Keenya — Bu’aa Keenya — Fayyaa Hawaasa Keenyaa!”»

Address

Midega Lola, Hararghe, Ethiopia
Miami, FL

Website

Alerts

Be the first to know and let us send you an email when Midega Tola Primary Hospital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category