Karamara General Hospital

Home
Ethiopia
Jijiga
Karamara General Hospital

karamara General hospital Since 1948

05/11/2026

Cusbitaalka Guud ee Karamardha waxaa lagu qabtay shirkii dib-u-eegista waxqabadka ee toddobaadlaha ,SBFR (System Bottleneck Focused Reform)iyo kulankii qiimaynta waxqabadka bilaha ah ,PMT(Performance Monitoring Team), kaas oo lagu qiimeeyey waxqabadka guud ee isbitaalka, tayada adeegyada caafimaadka iyo caqabadaha ka jira qaybaha kala duwan.

Shirka waxaa si gaar ah diiradda loogu saaray xoojinta tayada daryeelka bukaannada, badbaadada bukaanka, hufnaanta adeegyada iyo kor u qaadista isla-xisaabtanka qaybaha kala duwan.

Arrintani waxay qayb ka tahay dadaallada isbitaalka ee sannadkan mudnaanta gaarka ah siinaya tayaynta iyo horumarinta adeegyada caafimaadka, si loo helo adeeg caafimaad oo tayo leh, hufan, isla markaana daboolaya baahiyaha bulshada.

04/11/2026

Cusbitaalka Guud ee Karamardha oo door muhiim ah ka qaadanaya dhisidda jiilka mustaqbalka ee xirfadlayaasha caafimaadka DDS

Cusbitaalka Guud ee Karamardha ayaa si diirran u soo dhaweeyey arday ka kala socota jaamacadaha iyo kulliyadaha caafimaadka ee Deegaanka Soomaalida (DDS), kuwaas oo cusbitaalka u yimid inay ka helaan tababar shaqo iyo waayo-aragnimo la xidhiidha xirfadaha caafimaadka.

Tallaabadani waxay qayb ka tahay istaraatiijiyadda cusbitaalka ee kor loogu qaadayo tayada adeegyada caafimaadka, kobcinta aqoonta iyo xirfadaha ardayda, iyo dhisidda awoodda jiilka mustaqbalka ee xirfadlayaasha caafimaadka.

Inta ay ardaydu ku guda jiraan tababarka, waxay fursad u heli doonaan:

1. Inay kobciyaan aqoontooda iyo xirfadahooda caafimaad ee la taaban karo.
2. Inay helaan waayo-aragnimo shaqo oo waafaqsan habraacyada iyo heerarka adeeg-bixinta cusbitaalka.
3. Inay horumariyaan xirfadaha daryeelka bukaanka, isgaadhsiinta iyo wada-shaqaynta.
4. Inay bartaan anshaxa shaqada, badbaadada bukaanka iyo bixinta adeeg caafimaad oo tayo leh.
5. Inay helaan hagid iyo la-talin xirfadeed oo ay siinayaan khubaro iyo shaqaale caafimaad oo khibrad leh.

Maamulka Cusbitaalka ayaa ku boorrinaya maamullada xarumaha waxbarashada, dhakhaatiirta iyo dhammaan qaybaha kala duwan ee cusbitaalka inay si dhow uga wada shaqeeyaan sidii loo abuuri lahaa jawi waxbarasho oo tayo leh, kuna dhisan hagid, wada-shaqayn iyo dhiirrigelin.

Ugu dambayn, iskaashiga ka dhexeeya xarumaha caafimaadka iyo kuwa waxbarashadu waa tiir muhiim u ah soo saarista xirfadlayaal caafimaad oo aqoon leh, xirfad sare leh, naxariis badan, isla markaana leh anshax shaqo oo suuban.

Wadajir ayaynu ku dhisi karnaa jiil caafimaad oo tayo leh, kana qayb qaata horumarinta adeegyada caafimaadka ee Deegaanka Soomaalida iyo guud ahaan dalka.

02/11/2026

Wasiirka Xafiiska Caafimaadka DDS oo Furay Kulanka Qiimaynta Waxqabadka Cusbitaallada Deegaanka Soomaalida oo ka Furmay Jigjiga.

Kulankan oo uu soo agaasimay Xafiiska Caafimaadka DDS ayaa ujeeddadiisu ahayd in dib-u-eegis iyo qiimayn lagu sameeyo hawlaha shaqo iyo adeeg-bixineed ee cusbitaallada deegaanka, si loo ogaado heerka waxqabadkooda, caqabadaha ka jira iyo meelaha u baahan xoojinta, loona dejiyo qorshayaal lagu sii horumarinayo tayada adeegyada caafimaadka.

Kulanka ayaa si gaar ah diiradda loogu saaray dardargelinta iyo hirgelinta nidaamka casriga ah ee maaraynta xogta bukaannada ee loo yaqaan Electronic Medical Records (EMR), kaas oo door muhiim ah ka qaadanaya casriyeynta adeeg-bixinta caafimaadka, kaydinta iyo maaraynta xogta bukaannada, fududaynta helitaanka macluumaadka caafimaadka iyo kor u qaadista hufnaanta shaqo ee cusbitaallada.

Sidoo kale, kulanka ayaa lagu soo bandhigay waxqabadyo iyo waayo-aragnimo wanaagsan oo ay qaar ka mid ah cusbitaallada deegaanku ka sameeyeen hirgelinta iyo ku shaqaynta nidaamka EMR, iyadoo si qoto dheer la iskula lafa-guray sidii looga faa’iidaysan lahaa waayo-aragnimadaas, loona dardargelin lahaa hirgelinta nidaamkan si uu uga wada shaqeeyo dhammaan cusbitaallada deegaanka.

Kulanka waxaa si rasmi ah u furay Wasiirka Xafiiska Caafimaadka DDS, Dr. Musse Axmed Ibraahim, waxaana ka soo qaybgalay Wasiir-ku-xigeenka Xafiiska Caafimaadka DDS, Mudane Maxamed Ayaanle Xasan, maareeyayaasha cusbitaallada deegaanka iyo masuuliyiin ka socday Shabelle Bank, oo Xafiiska Caafimaadku kala dhexeeyo wada-shaqayn la xidhiidha horumarinta iyo taageerada qaybta caafimaadka.

Intii uu kulanku socday ayaa masuuliyiinta Xafiiska Caafimaadka DDS iyo maareeyayaasha cusbitaallada deegaanku waxay isla qaateen muhiimadda ay leedahay in la xoojiyo isla-xisaabtanka, dardargelinta hawlaha shaqo, kor u qaadista tayada adeeg-bixinta iyo hirgelinta nidaamyada casriga ah ee maamulka iyo maaraynta xogta caafimaadka.

Ugu dambayn, masuuliyiinta sare ee Xafiiska Caafimaadka DDS iyo maareeyayaasha cusbitaallada deegaanka ayaa kala saxeexday heshiis ku saabsan dardargelinta iyo sii xoojinta hawlaha shaqo iyo adeegyada caafimaad ee cusbitaalladu u hayaan bulshada. Heshiiskan ayaa saldhig u noqonaya xoojinta wada-shaqaynta, masuuliyadda iyo hirgelinta qorshayaasha lagu horumarinayo adeeg-bixinta cusbitaallada.

Kulankani wuxuu qayb ka yahay dadaallada Xafiiska Caafimaadka DDS ugu jiro horumarinta tayada adeegyada caafimaadka, casriyeynta nidaamyada shaqo iyo xaqiijinta adeeg-bixin caafimaad oo ku dhisan xog sugan, tiknoolajiyad iyo hufnaan shaqo.

Xafiiska Caafimaadka DDS.
November 2.2026

30/10/2026

Kulan-weynaha wadatashiga bahda caafimaadka, xirfadaha, jaamacadaha iyo kulliyadaha caafimaadka deegaanka ayaa ka qabsoomay magaalada Jigjiga.

Kulankan ayaa ujeeddadiisu ahayd sidii loo xoojin lahaa iskaashiga iyo wada-shaqaynta hay’adaha caafimaadka iyo xarumaha waxbarashada, si kulliyadaha caafimaadka ee deegaanka ay u soo saaraan jiilal ku hubaysan aqoon, xirfad iyo karti caafimaad oo wax ku ool u leh bulshada, isla markaana kor u qaadi kara tayada adeeg-bixinta caafimaadka.

Kulanka ayaa waxaa ka soo qaybgalay Wasiirka Xafiiska Caafimaadka DDS, Dr. Musse Axmed Ibraahim, Wasiir-ku-xigeenka Xafiiska Xirfadaha iyo Shaqo-abuurka Deegaanka, Marwo Raxma Musse Good, Wasiir-ku-xigeenka Caafimaadka, Mudane Maxamed Ayaanle Xasan, maareeyayaasha cusbitaallada, hoggaamiyeyaasha kulliyadaha caafimaadka, Wakaaladda Maamulka iyo Dabagalka Cuntada, Dawooyinka iyo Adeegga Caafimaadka iyo hay’adaha kale ee bahwadaagta la ah.

Wasiirka Xafiiska Caafimaadka DDS, Dr. Musse Axmed Ibraahim, ayaa sheegay in kulliyadaha caafimaadka ee deegaanku ay door muhiim ah ku leeyihiin horumarinta nidaamka caafimaadka, isaga oo xusay in looga baahan yahay inay soo saaraan xirfadlayaal leh aqoon iyo xirfad tayo leh oo wax ka beddeli kara habka iyo tayada adeeg-bixinta caafimaadka.

Wasiirku waxa uu maareeyayaasha cusbitaallada deegaanka faray inay mudnaan gaar ah siiyaan ardayda wax ka barata kulliyadaha caafimaadka, gaar ahaan xilliyada ay ku jiraan tababarrada gacanta ee ay ku qaadanayaan cusbitaallada, si ay u helaan khibrad shaqo oo kor u qaadda aqoontooda iyo xirfaddooda.

Sidoo kale, waxa uu carrabka ku adkeeyey doorka Wakaaladda Maamulka iyo Dabagalka Cuntada, Dawooyinka iyo Adeegga Caafimaadka, isaga oo tilmaamay muhiimadda ay leedahay xaqiijinta tayada iyo aqoonta xirfadlayaasha caafimaadka ee ka soo baxaya kulliyadaha deegaanka, si loo hubiyo inay buuxiyaan heerarka xirfadeed ee looga baahan yahay shaqada caafimaadka.

Dhankeeda, Wasiir-ku-xigeenka Xafiiska Xirfadaha iyo Shaqo-abuurka Deegaanka, Marwo Raxma Musse Good, ayaa sheegtay in tayaynta waxbarashada iyo tababarrada xirfadeed ay laf-dhabar u yihiin soo saarista xirfadlayaal aqoon iyo karti u leh baahiyaha suuqa shaqada.

Waxay xustay muhiimadda ay leedahay in kulliyadaha caafimaadku ay la jaanqaadaan baahiyaha dhabta ah ee nidaamka caafimaadka deegaanka, isla markaana la xoojiyo wada-shaqaynta hay’adaha ay khusayso si loo soo saaro xirfadlayaal tayo leh oo bulshada waxtar u leh.

Caafimaadka DDS.
October 30.2026

30/10/2026

Kulan-weyne lagu xoojinayo iskaashiga bahda caafimaadka iyo xarumaha waxbarashada oo ka qabsoomay Jigjiga

Kulan-weyne wadatashi ah oo ay isugu yimaaddeen bahda caafimaadka, hay’adaha xirfadaha, jaamacadaha iyo kulliyadaha caafimaadka Deegaanka Soomaalida ayaa ka qabsoomay magaalada Jigjiga.

Kulanka ayaa diiradda lagu saaray xoojinta wada-shaqaynta hay’adaha caafimaadka iyo xarumaha waxbarashada, si loo soo saaro xirfadlayaal leh aqoon iyo xirfad tayo leh, kuwaas oo kor u qaadi kara tayada adeeg-bixinta caafimaadka.

Kulanka waxaa ka qaybgalay Wasiirka Xafiiska Caafimaadka DDS, Dr. Musse Axmed Ibraahim, masuuliyiin ka tirsan hay’adaha dowladda, maareeyayaasha cusbitaallada iyo hoggaamiyeyaasha kulliyadaha caafimaadka, waxaana sidoo kale ka qaybgalay Maareeyaha Cusbitaalka Guud ee Karamardha, Dr. Cumar Jaamac Cumar.

Masuuliyiintii kulanka ka hadlay ayaa adkeeyey muhiimadda ay leedahay in la xoojiyo tababarrada gacanta ee ardayda, tayada waxbarashada caafimaadka iyo iskaashiga hay’adaha ay khusayso, si loo helo xirfadlayaal buuxin kara baahiyaha caafimaad ee bulshada.

Kulankan ayaa qayb ka ah dadaallada lagu horumarinayo tayada waxbarashada iyo adeegyada caafimaadka Deegaanka Soomaalida.

29/10/2026

Cusbitaalka Guud ee Karamardha oo qabtay shir lagu qiimaynayay waxqabadka adeegyada kala duwan ee rubuca koowaad ee sannad-miisaaniyadeedka 2019 T.I.

Cusbitaalka Guud ee Karamardha ayaa qabtay shir lagu qiimaynayay waxqabadka iyo heerka hirgelinta qorshayaashii u degsanaa adeegyada kala duwan ee cusbitaalka rubuca koowaad ee sannad-miisaaniyadeedka 2019-ka ee taariikhda Itoobiya.

Shirkan oo ay hoggaaminayeen Maareeyaha Cusbitaalka, Maareeye-ku-xigeenka iyo dhammaan masuuliyiinta qaybaha kala duwan ayaa ujeeddadiisu ahayd in dib-u-eegis lagu sameeyo hawlihii la qabtay, la cabbiro heerka fulinta qorshayaasha, lana ogaado caqabadaha jira iyo meelaha u baahan in wax laga qabto.

Intii uu shirku socday, waxaa si gaar ah diiradda loo saaray tayada adeegyada caafimaad, hufnaanta shaqada, habsami-u-socodka adeeg-bixinta iyo masuuliyadda qaybaha kala duwan ee cusbitaalka. Waxaana la isla qaatay in sannadkan mudnaan gaar ah la siiyo hirgelinta yoolashii loo dejiyey qayb kasta, si loo gaadho natiijooyin muuqda oo kor u qaada tayada iyo waxtarka adeegyada uu cusbitaalku bulshada u hayo.

Sidoo kale, maamulka cusbitaalku waxa uu carrabka ku adkeeyey muhiimadda ay leedahay wada-shaqaynta, isla-xisaabtanka iyo in masuul kasta si hufan uga soo baxo waajibaadka shaqo ee saaran, maadaama ay taasi laf-dhabar u tahay horumarinta adeegyada caafimaadka.

Ugu dambayn, shirka waxaa ka soo baxay go’aanno iyo qorshe-hawleedyo lagu dardargelinayo fulinta yoolasha cusbitaalka, iyadoo hawl kasta loo kala xilsaaray masuulka ku shaqada leh, lana cayimay wakhti cayiman oo lagu fulinayo. Tallaabooyinkan ayaa la filayaa inay gacan ka geystaan kor u qaadista tayada adeeg-bixinta, hufnaanta shaqada iyo gaadhista himilooyinka horumarineed ee Cusbitaalka Guud ee Karamardha.

19/10/2026

Wasiirka Caafimaadka DDS oo Furay Tababarka Hoggaaminta Sare ee Maareeyayaasha Cusbitaallada

Wasiirka Xafiiska Caafimaadka DDS, Dr. Musse Axmed Ibraahim, ayaa magaalada Jigjiga ka furay tababar ku saabsan hoggaaminta iyo maamulka sare ee maareeyayaasha cusbitaallada Deegaanka Soomaalida.

Tababarkan ayaa ujeeddadiisu tahay xoojinta awoodda hoggaamineed iyo maamul ee maareeyayaasha, kor u qaadista tayada adeegyada caafimaadka iyo hufnaanta shaqada xarumaha caafimaadka.

Wasiirku waxa uu ku adkeeyey maareeyayaasha cusbitaallada muhiimadda hoggaan wanaagsan, isla-xisaabtan iyo masuuliyad, isaga oo xusay in la samayn doono kormeerro iyo dabagal joogto ah oo lagu qiimaynayo tayada adeegyada iyo waxqabadka cusbitaallada.

Tababarkan ayaa qayb ka ah dadaallada Xafiiska Caafimaadka DDS ee lagu horumarinayo adeegyada caafimaadka iyo xaqiijinta in bulshadu hesho adeeg caafimaad oo tayo leh.

16/10/2026

Cusbitaalka Guud ee Karamaramardha waxaa ka qabsoomay shir lagu qiimaynayay waxqabadka adeegyada Hooyada iyo Dhallaanka (MCH), laguna falanqeeyay adeeg bixinta Guud, caqabadaha jira iyo fursadaha lagu horumarin karo tayada adeegyada caafimaadka.

Shirku wuxuu xoogga saaray tayada daryeelka hooyada & dhalaanka , iyo xoojinta xogta iyo iskaashiga Kooxa Xirfadlayaasha kala duwan & bahawadaagta la shaqaynaysa.

Ugu danbayntiina waxaa laysla qaatay in la sii xoojiyo sii dii marwalba loo heli lahaa adeeg caafimaad oo tayo leh, hooyooyin badbaado qaba iyo carruur caafimaad qaba insha Allah.

08/10/2026

Cusbitaalka Guud ee Karamardha oo lagu qabtay shir lagu dardargelinayo tayada adeegyada caafimaadka

Waxaa maanta oo Khamiis ah, taariikhduna tahay 28/1/2019, ka qabsoomay Cusbitaalka Guud ee Karamardha shirka toddobaadlaha ah ee SBFR (System Bottleneck-Focused Reform) iyo shirkii billaha ahaa ee PMT.

Shirarka ayaa diiradda lagu saaray qiimaynta tayada, waxqabadka iyo hufnaanta adeegyada kala duwan ee uu Cusbitaalku bixiyo. Intii uu shirku socday, waxaa si gaar ah loo eegay heerka ay adeegyada caafimaadku marayaan, meelaha ay waxqabadku wanaagsan yihiin iyo dhinacyada u baahan in la sii horumariyo.

Sidoo kale, waxaa si qoto dheer looga wada hadlay caqabadaha iyo dhibaatooyinka hortaagan adeeg-bixinta, iyadoo la falanqeeyay sababaha keenaya caqabadahaas iyo tallaabooyinka ku habboon ee lagu xallin karo. Ka-qaybgalayaashu waxay isku raaceen in loo baahan yahay iskaashi, isla-xisaabtan iyo dabagal joogto ah si loo xaqiijiyo in adeegyada caafimaadku noqdaan kuwo tayo leh, hufan oo bulshada si wanaagsan ugu adeegaya.

Kulanka waxaa sidoo kale lagu qiimeeyay horumarka laga sameeyay qorshayaashii iyo go’aamadii h**e, iyadoo la isla eegay waxyaabihii qabsoomay iyo meelaha weli u baahan dadaal dheeraad ah.

Ugu dambayntii, waxaa la isla qaatay in la sii xoojiyo dadaallada lagu tayaynayo adeeg-bixinta, lana dardargeliyo hirgelinta qorshayaasha lagu horumarinayo adeegyada caafimaadka. Waxaa la adkeeyay in sanadkan uu yahay sanadkii tayaynta adeegyada, sidaas darteedna loo baahan yahay in dhammaan waaxyaha iyo shaqaalaha ay si wadajir ah uga shaqeeyaan sidii loo gaarsiin lahaa bulshada adeeg caafimaad oo tayo leh, hufan, la isku halayn karo, isla markaana ku salaysan baahida bulshada.

Cusbitaalka Guud ee Karamardha wuxuu sii wadi doonaa dadaallada lagu horumarinayo tayada adeegyada caafimaadka iyo sidii loo heli lahaa xalal waara oo wax looga qabanayo caqabadaha jira.

06/10/2026

Gudiga Maamulka Sare ee Cusbitaalka Guud ee Karamardha (SMT) oo bilaabay Qiimaynta Rubaca 1aad ee Sannadka 2019 E.C.

Gudiga Maamulka Sare ee Cusbitaalka Guud ee Karamardha (SMT – Senior Management Team) ayaa bilaabay qiimaynta rubaca 1aad ee sannadka 2019 E.C., taas oo ka mid ah qorshayaasha muhiimka ah ee Cusbitaalka loogu talagalay in lagu horumariyo tayada iyo hufnaanta adeegyada caafimaad.

Qiimayntan ayaa ujeeddadeedu tahay in si faahfaahsan loo eego lana qiimeeyo waxqabadka waaxyaha iyo qaybaha kala duwan ee Cusbitaalka, iyadoo la ogaanayo meelaha ay shaqadu si wanaagsan uga socoto iyo meelaha u baahan in la saxo, la xoojiyo ama horumar dheeraad ah lagu sameeyo.

Inta ay qiimayntu socoto, waxaa si gaar ah diiradda loo saarayaa tayada adeegyada caafimaad, hufnaanta iyo habsami-u-socodka shaqada, helitaanka iyo isticmaalka qalabka iyo agabka shaqada, iyo waxqabadka shaqaalaha.

Sidoo kale, waxaa la turxaan-bixinayaa caqabadaha ka jira waaxyaha iyo qaybaha kala duwan ee Cusbitaalka, iyadoo la isku dayayo in la fahmo sababaha caqabadahaas, saamaynta ay ku leeyihiin adeeg-bixinta iyo sidii loo heli lahaa xalal waara oo wax looga qaban karo.

Qiimayntu waxay sidoo kale fursad u tahay in lagu hubiyo heerka ay waaxyaha kala duwan u fuliyeen qorshayaashii loo dejiyey, in la qiimeeyo natiijooyinka la gaadhay, lana ogaado meelaha u baahan tallaabooyin sixitaan iyo horumarineed.

Ujeeddada ugu weyn ee qiimayntan ayaa ah in la xaqiijiyo in dhammaan waaxyaha iyo qaybaha Cusbitaalku ay si wadajir ah uga shaqeeyaan tayaynta adeeg-bixinta, kordhinta hufnaanta shaqada iyo kor u qaadista waxqabadka shaqaalaha, si bulshada loo gaadhsiiyo adeeg caafimaad oo tayo leh, hufan, ammaan ah oo la isku halayn karo.

Ugu dambayntii, natiijooyinka ka soo baxa qiimaynta Rubaca 1aad waxaa loo adeegsan doonaa dejinta qorshayaal sixitaan iyo horumarineed, iyadoo la xoojinayo meelaha wanaagsan, wax laga qabanayo meelaha daciifka ah, lana dardargelinayo dadaallada lagu xaqiijinayo tayaynta joogtada ah ee adeegyada caafimaad ee Cusbitaalka Guud ee Karamardha.

Address

Jijiga

Website

https://hmssom.com/

Alerts

Be the first to know and let us send you an email when Karamara General Hospital posts news and promotions. Your email address will not be used for any other purpose, and you can unsubscribe at any time.