07/09/2026
🤰 ԾՆՆԴԱԲԵՐՈՒԹՅԱՆ ՆԱԽԱՆՇԱՆՆԵՐԸ
Ինչպե՞ս հասկանալ, որ ծննդաբերությունը մոտենում է։
🔹 Լորձային խցանի դուրս գալը
Կարող է դուրս գալ ծննդաբերությունից մի քանի օր կամ նույնիսկ շաբաթ առաջ։ Այն կարող է լինել թափանցիկ, վարդագույն կամ թեթև արյունային։
🔹 Որովայնի իջնելը
Երեխան ավելի է իջնում դեպի փոքր կոնք։ Շնչելը կարող է հեշտանալ, բայց միզելու ցանկությունը՝ հաճախանալ։
🔹 Կեղծ կծկումների ուժեղացում
կծկումները կարող են դառնալ ավելի հաճախակի, բայց սովորաբար անկանոն են և չեն ուժեղանում կայուն կերպով։
🔹 Իսկական ծննդաբերական կծկումներ
Դրանք դառնում են կանոնավոր, ավելի ուժեղ, երկարատև և հաճախակի և չեն անցնում հանգստանալուց կամ դիրքը փոխելուց հետո։
🔹 Պտղաջրերի արտահոսք 💧
Ջրերի գնալը կարող է լինել ինչպես մեծ քանակությամբ, այնպես էլ փոքր, շարունակական արտահոսքի ձևով։
🔹 Արյունային արտադրություն
Լորձային արտադրության մեջ փոքր քանակությամբ արյուն կարող է լինել ծննդաբերության նախանշան։ Սակայն առատ արյունահոսությունը նորմալ չէ և պահանջում է անհապաղ բժշկական գնահատում։
⚠️ Երբ չսպասել և դիմել ծննդատուն/բժշկին․
• պտղաջրերի արտահոսքի դեպքում
• առատ արյունահոսության դեպքում
• պտղի շարժումների նկատելի նվազման դեպքում
• կանոնավոր և ցավոտ կծկումների դեպքում
• ուժեղ կամ անսովոր ցավի դեպքում
📌 Հիշեք՝ յուրաքանչյուր կնոջ մոտ ծննդաբերության սկիզբը կարող է տարբեր լինել։ Նախանշանների առկայությունը դեռ չի նշանակում, որ ծննդաբերությունը հենց այդ պահին կսկսվի։
