https://www.academyhospitalmyanmar.com/index.html

Academy Hospital Myanmar, No. 335 , Lower Kyeemyindaing Road, Yangon (2026)

30/04/2026

🌕၂၀၂၆ ခုနှစ် ဧပြီလ(၃၀) ရက်နေ့တွင် ကျရောက်သော “ကဆုန်လပြည့်”နေ့ (ဗုဒ္ဓနေ့) ညောင်ရေသွန်းပွဲတော် အခါသမယတွင် မြန်မာနိုင်ငံသူ၊ နိုင်ငံသားအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံပြီး ဘေးအန္တရာယ်အပေါင်းမှ ကင်းဝေးပါစေကြောင်း “အကယ်ဒမီဆေးရုံ” မိသားစုမှ ဆုတောင်းမေတ္တာ ပို့သအပ်ပါသည်...🙏🙏🙏

28/04/2026

မင်္ဂလာပါရှင့်✨
💁🏻‍♀️ဒီနေ့မှာတော့ ကျွန်မတို့ အကယ်ဒမီဆေးရုံမှာ အသုံးပြုနေတဲ့ GE Essential One Machine (General Electric မှ ထုတ်လုပ်ထားသော) C-Arm Machine ရဲ့ အားသာချက်တွေကို ရှင်းပြပေးချင်ပါတယ်ရှင်
🩻C-Arm ဆိုတာက ခွဲစိတ်ခန်း (OT) မှာ အသုံးများတဲ့ mobile X-ray စက်တစ်ခုဖြစ်ပြီး surgery လုပ်နေချိန်မှာ real-time fluoroscopic imaging (တိုက်ရိုက်မြင်နိုင်တဲ့ X-ray ပုံရိပ်) ကို ပြပေးနိုင်ပါတယ်။
🦴စက်တစ်ခုထက်ပိုပြီး surgery နဲ့ radiology ကို ချိတ်ဆက်ပေးတဲ့ precision tool (တိကျမှန်ကန်တဲ့ကိရိယာ) တစ်ခုဖြစ်ပါတယ်။ အထူးသဖြင့် orthopedic နဲ့ vascular procedures တွေမှာ အများဆုံးအသုံးပြုပါတယ်။
✔ ခွဲစိတ်နေစဉ်အတွင်း anatomy ကို တိုက်ရိုက်မြင်နိုင်စေပါတယ်။
✔ implant, screw, hardware တွေကို တိကျမှန်ကန်စွာ ထည့်သွင်းနိုင်ပါတယ်။
✔ fracture reduction နဲ့ trauma management ကို ပိုမိုလုံခြုံစေတယ်။
✔ contrast-guided studies (vascular, urology, pain procedures) တွေမှာ အသုံးဝင်ပါတယ်။
✔ လူနာကို မရွှေ့ဘဲ ချက်ချင်း confirm လုပ်နိုင်တယ်။
✔ positioning အမှားကြောင့် ပြန်လည်ခွဲစိတ်ရမှုကို လျှော့ချပေးတယ်။
✔ လူနာလုံခြုံရေးနဲ့ ခွဲစိတ်ရလဒ်ကို ပိုမိုကောင်းမွန်စေပါတယ်။
✔စက်အသုံးပြုချိန်မှာ နာကျင်မှု မရှိသလို၊ စိတ်ဖိစီးမှုလည်း မဖြစ်စေပါဘူး။ လူနာအတွက် အနားယူနေသလို ခံစားရမှာပါ။
✔ အချက်အလက်တွေကို ရှင်းလင်းပြတ်သားစွာ ပေးနိုင်တဲ့အတွက် ကုသမှုကို အကောင်းဆုံးနည်းလမ်းနဲ့ ရွေးချယ်နိုင်ပါတယ်။
📌ခေတ်မီခွဲစိတ်မှုတွေမှာ imaging ကို အခြေခံ၍ လုပ်ဆောင်နေကြပြီး C-Arm ကတော့ diagnosis (ရောဂါရှာဖွေခြင်း) နဲ့ treatment (ကုသမှု) ကြားကို ချိတ်ဆက်ပေးတဲ့ အရေးကြီးဆုံးကိရိယာတစ်ခုဖြစ်ပါတယ်။
👨🏻‍⚕️GE Essential One Machine ဟာ လူနာတွေအတွက် ပိုမိုလုံခြုံ၊ ပိုမိုတိကျပြီး ပိုမိုအဆင်ပြေတဲ့ စစ်ဆေးကုသမှုအတွေ့အကြုံကို ပေးနိုင်တဲ့ နည်းပညာတစ်ခု ဖြစ်ပါတယ်ရှင့်🌿
ကျန်းမာရေးက အရေးကြီးဆုံးမို့ သေချာစစ်ဆေးပြီး မှန်ကန်စွာ ကုသကြပါစို့ရှင်✨💙
အားလုံးပဲ ကျန်းမာပျော်ရွှင်သောနေ့ရက်များကို ပိုင်ဆိုင်နိုင်ကြပါစေလို့ “အကယ်ဒမီဆေးရုံ” မိသားစုမှ ဆုမွန်ကောင်းတောင်းပေးလိုက်ပါတယ်ရှင့်🌿💙

25/04/2026

🌍World Malaria Day (ကမ္ဘာ့ငှက်ဖျားရောဂါနေ့)🌍 🦟

💁🏻‍♀️ယနေ့ ဧပြီလ(၂၅) ရက်နေ့သည် “World Malaria Day (ကမ္ဘာ့ငှက်ဖျားရောဂါနေ့)” ဖြစ်ပြီး ဒီနှစ်ရဲ့ ဆောင်ပုဒ်ကတော့ “Driven to End Malaria: Now We Can. Now We Must.” ဖြစ်ပါတယ်ရှင့်….
👩🏻‍⚕️ငှက်ဖျားရောဂါဟာ အချိန်မီစစ်ဆေးပြီး ဆေးပတ်လည်အောင် သောက်ရင် အမြစ်ပြတ် ပျောက်ကင်းနိုင်တဲ့ ရောဂါဖြစ်ပါတယ်။ ဒါကြောင့် မပေါ့ဆကြဖို့ တိုက်တွန်းလိုပါတယ်ရှင့်….
🛏ညအိပ်ချိန်တင်မကဘဲ နေ့ဘက်အိပ်စက်တဲ့ အခါမှာလည်း ဆေးစိမ်ခြင်ထောင်(သို့မဟုတ်)ရိုးရိုးခြင်ထောင်နဲ့အိပ်စက်ပါ။
👖အင်္ကျီလက်ရှည်၊ ဘောင်းဘီရှည် စတဲ့ ခန္ဓာကိုယ်ကို လုံခြုံစေမယ့် အဝတ်အစားမျိုးကို ဝတ်ဆင်ပါ။
🏡အိမ်ပတ်ဝန်းကျင်မှာရှိတဲ့ ချုံနွယ်ပိတ်ပေါင်းတွေကို ခုတ်ထွင်ရှင်းလင်းပါ။
💧ရေတင်ကျန်နိုင်တဲ့ တာယာဟောင်း၊ ဘူးခွံ၊ အုန်းခွံတွေကိုဖယ်ရှားပါ။ ရေနုတ်မြောင်းတွေကို ရေစီးရေလာကောင်းမွန်အောင် လုပ်ဆောင်ပါ။
📌အိမ်ရဲ့ ပြတင်းပေါက်နဲ့ တံခါးတွေကို ခြင်လုံဇကာတပ်ဆင်ပါ။ လိုအပ်ပါက အိမ်တွင်းမှာ ခြင်ဆေးဖြန်းခြင်း၊ ခြင်ဆေးခွေထွန်းခြင်း တို့ကိုပြုလုပ်ပါ။
🦟 ငှက်ဖျားပိုးသယ်ဆောင်တဲ့ ခြင်တွေဟာ များသောအားဖြင့် နေဝင်ချိန်ကနေ အရုဏ်တက်ချိန်အထိ ပိုမိုကိုက်တတ်တာကြောင့် ထိုအချိန်တွေမှာ အပြင်ထွက်ခြင်းကို ရှောင်ကြဉ်ပါ။
🤒ချမ်းတုန်ဖျားခြင်း၊ ခေါင်းကိုက်ခြင်း၊ ကိုယ်လက်ကိုက်ခဲခြင်း စတဲ့ လက္ခဏာတွေ ခံစားရပါက နီးစပ်ရာ ဆေးခန်းသို့ အမြန်ဆုံးသွားရောက်ပြီး ဆေးကုသမှုခံယူပါ။
💊ငှက်ဖျားရောဂါ အဖြစ်များတဲ့ ဒေသတွေကို သွားရောက်ဖို့ရှိတယ်ဆိုရင် ကြိုတင် ကာကွယ်ဆေး သောက်သုံးဖို့အတွက် တတ်ကျွမ်းနားလည်တဲ့ ဆရာဝန်နဲ့ တိုင်ပင်ဆွေးသင့်ပါတယ်။
🩵လူသားအားလုံး ငှက်ဖျားရောဂါကင်းစင်ပြီး ကျန်းမာကြပါစေကြောင်း ဆုမွန်ကောင်းတောင်းရင်း “World Malaria Day(ကမ္ဘာ့ငှက်ဖျားရောဂါနေ့)” ကို “အကယ်ဒမီဆေးရုံ” မိသားစုမှ ကြိုဆိုဂုဏ်ပြုလိုက်ပါတယ်ရှင့်✨

#ကမ္ဘာ့ငှက်ဖျားရောဂါနေ့

#အကယ်ဒမီဆေးရုံ

24/04/2026

🌍World Immunization Week🌍

✨ယနေ့ ဧပြီလ(၂၄) ရက်နေ့သည် “World Immunization Week” ဖြစ်ပြီး ဒီနှစ်ရဲ့ ဆောင်ပုဒ်ကတော့
“For every generation, vaccines work” ဖြစ်ပါတယ်ရှင့်....

👩🏻‍⚕လူတိုင်းရဲ့ ကျန်းမာရေးကို ကာကွယ်ဖို့အတွက် ကာကွယ်ဆေးထိုးခြင်းဟာ အရေးကြီးဆုံးလုပ်ဆောင်ချက် တစ်ခုဖြစ်ပါတယ်။

ကာကွယ်ဆေးထိုးခြင်းဖြင့် -
✔️ကူးစက်ရောဂါများ ဖြစ်ပွားမှုနှင့် ပြင်းထန်မှုကို လျှော့ချနိုင်ပါသည်။
✔️ကိုယ်တိုင်သာမက မိသားစုနှင့် လူမှုအသိုင်းအဝိုင်းကိုပါ ကာကွယ်ပေးနိုင်ပါသည်။
✔️ကလေးများအတွက် ကျန်းမာသော အနာဂတ်ကို ဖန်တီးပေးနိုင်ပါသည်။

💉ကာကွယ်ဆေးထိုးခြင်းသည် မိမိတစ်ဦးတည်းအတွက်သာ မဟုတ်ဘဲ
လူမှုအသိုင်းအဝိုင်းတစ်ခုလုံး၏ ကျန်းမာရေးကို ကာကွယ်ပေးနေခြင်းဖြစ်ပါသည်။

👩🏻‍⚕️ယနေ့ပဲ နီးစပ်ရာ ဆေးရုံ၊ ဆေးခန်းများတွင် ကာကွယ်ဆေးထိုးနှံရန် ဆက်သွယ်ဆောင်ရွက်ကြပါစို့!

ကာကွယ်ဆေးထိုးခြင်းဖြင့် ပိုမိုကျန်းမာသော နေ့ရက်များကို တည်ဆောက်နိုင်ကြပါစေလို့ “အကယ်ဒမီဆေးရုံ” မိသားစုမှ ဆုမွန်ကောင်းတောင်းပေးလိုက်ပါတယ်ရှင့်🌿🩵

17/04/2026

မြန်မာသက္ကရာဇ် ၁၃၈၈ ခုနှစ် နှစ်သစ်အခါသမယတွင် ကိုယ်၏ကျန်းမာခြင်း၊ စိတ်၏ချမ်းသာခြင်းတို့နှင့် ပြည့်စုံပြီး အလုပ်အကိုင်များ အောင်မြင်ဖြစ်ထွန်းကာ စိတ်သစ်၊ လူသစ်၊ အင်အားသစ်များဖြင့် လှပသော အနာဂတ်ကို ထုဆစ်နိုင်ပါစေကြောင်း အကယ်ဒမီဆေးရုံမိသားစုမှ ဆုမွန်ကောင်းတောင်းအပ်ပါသည်။

11/04/2026

မကြာမီကျရောက်တော့မယ့် မြန်မာ့ရိုးရာ အတာသင်္ကြန်ပွဲတော်ကြီးကို ကြိုဆိုတဲ့အနေနဲ့ အကယ်ဒမီဆေးရုံမိသားစုဝင်တွေ စုပေါင်းပြီး "သင်္ကြန်အကြို ရွှေရင်အေး" ပြင်ဆင်နေကြပါပြီ။

ချိုချိုအေးအေး ရွှေရင်အေးလေးတွေနဲ့အတူ ပျော်ပျော်ပါးပါး ပြင်ဆင်နေတဲ့ ဆေးရုံမိသားစုရဲ့ ကြည်နူးစရာ ပုံရိပ်လေးတွေကို မျှဝေပေးလိုက်ပါတယ်ရှင်။

"မြန်မာသက္ကရာဇ် ၁၃၈၈ ခုနှစ်၊ အတာသင်္ကြန်အခါသမယကစပြီး မိဘပြည်သူများအားလုံး....... ကိုယ်၏ကျန်းမာခြင်း၊ စိတ်၏ချမ်းသာခြင်းနဲ့ ပြည့်စုံကြပါစေ။ ဘေးဘယာဝေးကွာပြီး ကောင်းကျိုးလိုအင်ဆန္ဒများ ပြည့်ဝကြပါစေ"လို့ အကယ်ဒမီဆေးရုံမိသားစုမှ လှိုက်လှဲစွာ ဆုတောင်းမေတ္တာပို့သအပ်ပါတယ်။

#သင်္ကြန်အကြို

07/04/2026

🌍ကမ္ဘာ့ကျန်းမာရေးနေ့ (World Health Day)🌍

🩺ယနေ့ ဧပြီလ (၇)ရက်နေ့မှာ ကျရောက်သော “ကမ္ဘာ့ကျန်းမာရေးနေ့ (World Health Day)”မှာ လူသားအားလုံး ကျန်းမာပျော်ရွှင်ကြပါစေလို့ “အကယ်ဒမီဆေးရုံ” မိသားစုမှ ဆုတောင်းမေတ္တာပို့သလိုက်ပါတယ်ရှင့်
📌ဒီနှစ်ရဲ့ဆောင်ပုဒ်ကတော့ “Together for Health.Stand with Science.” ဖြစ်ပြီး ကျန်းမာရေးကောင်းမွန်ဖို့အတွက် လူသားအားလုံး ပူးပေါင်းဆောင်ရွက်ပြီး သိပ္ပံအခြေခံဆိုင်ရာ ကုသမှုများကို ယုံကြည်စွာ လိုက်နာလုပ်ဆောင်ကြရန် ရည်ရွယ်ပါတယ်။
👩‍⚕️ ကျန်းမာခြင်းဆိုတာ လူတိုင်းအတွက် အရေးကြီးဆုံး အရင်းအမြစ်တစ်ခုဖြစ်ပါတယ်။ ရောဂါဖြစ်ပြီးမှကုသခြင်းထက် ရောဂါမဖြစ်မီကာကွယ်ခြင်းကို ပိုမိုအလေးထားရန် လိုအပ်ပါတယ်ရှင့်။
✨ အာဟာရပြည့်ဝသော အစားအစာများကိုမှန်ကန်စွာစားပါ။
✨ ခန္ဓာကိုယ် ကျန်းမာရန်အတွက်လေ့ကျင့်ခန်းပုံမှန် လုပ်ပါ။
✨ သန့်ရှင်းစွာ နေထိုင်ပါ။
✨ကောင်းမွန်စွာ အိပ်စက်အနားယူပါ။
✨ လူတိုင်းအတွက် အရေးကြီးသော စိတ်ကျန်းမာရေးကိုလည်း ဂရုစိုက်ပါ။
✨ ဆရာဝန်ညွှန်ကြားချက်နှင့်သာ ဆေးဝါးများကို သောက်သုံးရန်နှင့် ပိုးသတ်ဆေးများကို မလိုအပ်ဘဲ သောက်သုံးခြင်းမှ ရှောင်ကြည်ပါ။
✨ပုံမှန် ကာကွယ်ဆေးထိုးနှံခြင်းတွေကို လိုက်နာဆောင်ရွက်ပါ။
🎀ဒီနေ့မှာတော့ ကိုယ်တိုင်ကျန်းမာရေးကို စောင့်ရှောက်ရင်း မိသားစု၊ သူငယ်ချင်းများနဲ့ လူမှုအသိုင်းအဝိုင်းအားလုံးရဲ့ ကျန်းမာရေးကိုလည်း ဂရုစိုက်ကြပါစို့!💪🏻

#အကယ်ဒမီဆေးရုံ

03/04/2026

!!Vacancy Announcement!!
“အကယ်ဒမီဆေးရုံ” နှင့် လက်တွဲလုပ်ကိုင်ရန်အတွက် အောက်ပါ “ရာထူး” ဖြင့် လျှောက်ထားနိုင်ပြီဖြစ်ပါတယ်ရှင့်🙋🏻‍♀️…

🔹 Position – Laboratory Medical Technologist👩🏻‍🔬

Requirements
• Medical Laboratory Technology နှင့် သက်ဆိုင်သော ဘွဲ့ / ဒီပလိုမာ ရရှိထားသူဖြစ်ရမည်။
• Laboratory tests များကို စနစ်တကျ ဆောင်ရွက်နိုင်သူဖြစ်ရမည်။
• သက်ဆိုင်ရာ လုပ်ငန်းအတွေ့အကြုံရှိသူ ဦးစားပေးမည်။
• Teamwork ကောင်းမွန်ပြီး တာဝန်ယူမှုရှိသူဖြစ်ရမည်။

🔹 Position – Phlebotomist💉🩸

Requirements
• Phlebotomy နှင့် သက်ဆိုင်သော သင်တန်း သို့မဟုတ် လုပ်ငန်းအတွေ့အကြုံရှိသူဖြစ်ရမည်။
• Patient များထံမှ သွေးယူခြင်းကို ကျွမ်းကျင်စွာ ဆောင်ရွက်နိုင်ရမည်။
• ကလေး၊ လူကြီး မရွေး ကျွမ်းကျင်စွာ သွေးဖောက်နိုင်ရမည်။
• Communication skill ကောင်းမွန်ပြီး တာဝန်ယူမှုရှိသူဖြစ်ရမည်။
• Day/Night Shift အလှည့်ကျ ဆင်းနိုင်သူဖြစ်ရမည်။
• အတွေ့အကြုံနှင့် လုပ်ငန်းစွမ်းဆောင်ရည်အပေါ် မူတည်၍ လစာညှိနှိုင်းပေးမည်။
• နှစ်စဉ်လစာတိုးပေးခြင်း၊ Insurance အာမခံ ခံစားခွင့်များ၊ ဝန်ထမ်းနှင့် ၎င်းတို့၏ မိသားစုအတွက် အကယ်ဒမီဆေးရုံမှ Discount နှုန်းထားဖြင့် ဆေးကုသမှုများ စီစဉ်ပေးခြင်း။

🙋🏻‍♀️အထက်ဖော်ပြပါ “ရာထူး”များနှင့် ပတ်သက်၍ အသေးစိတ် စုံစမ်းသိရှိလိုပါက Academy Hospital Myanmar Page Messenger (သို့) ☎️01 – 8212890 ကို ရုံးချိန် (မနက် ၈ နာရီခွဲမှ ညနေ ၄ နာရီ) အတွင်း စုံစမ်းမေးမြန်းနိုင်ပါသည်။

လျှောက်ထားလိုပါက - [email protected] သို့ ပေးပို့လျှောက်ထားနိုင်ပါသည်။ (သို့) “Academy Hospital” သို့ လူကိုယ်တိုင် လာရောက် လျှောက်ထားနိုင်ပါသည်။

#အကယ်ဒမီဆေးရုံ

02/04/2026

“ကိုယ်၀န်ဆောင် မိခင်များအတွက် သတင်းကောင်း”

🤰 ကိုယ်၀န်ဆောင် မေမေတို့ရေ……
မကြာမီ မွေးဖွားလာမယ့် မိမိရဲ့ ရင်သွေးရတနာလေးများကို ဘယ်လိုမွေးဖွားမှာလဲ ဘယ်မှာ မွေးဖွားမှာလဲလို့ စဉ်းစားနေကြပြီလား?

အဖိုးတန်သော ရင်သွေးငယ်လေးများကိုကျန်းမာစွာမွေးဖွားနိုင်ရန် အကောင်းဆုံး၊ အသင့်တော်ဆုံးကိုသာ ရွေးချယ်လိုကြသော မိခင်လောင်းတို့အတွက် အကယ်ဒမီ အထူးကုဆေးရုံကြီးမှ ကလေးခွဲစိတ်မွေးဖွားခြင်းအထူးအစီအစဥ် Maternity LSCS packages🤰🏻လေး မိတ်ဆက်ပေးချင်ပါတယ်ရှင့်......

မိခင်လောင်းများ စိတ်တိုင်းကျနိုင်စေဖို့ အရည်အသွေးပြည့်မီသော ဆေး၊ ပစ္စည်းများကိုသာ ရွေးချယ် အသုံးပြု စီစဉ်ထားရှိပါသည်။

✨အသေးစိတ်စုံစမ်းလိုပါက Page Messenger နှင့် ဖုန်းနံပါတ်
"01- 8212886, 8212887, 8212889, 8212890" သို့ ဆက်သွယ် မေးမြန်းနိုင်ပါတယ်...

✨ဆရာဝန်ကြီးများ နှင့် ပြသဆွေးနွေးကုသလိုပါက " 09948212886, 09948212887, 09948212889 " သို့ဆက်သွယ်၍ ကြိုတင် Booking လုပ်နိုင်ပါတယ်ရှင့်...

🏥အမှတ် ၃၃၅၊ အောက်ကြည့်မြင်တိုင်လမ်းမကြီး၊ အလုံမြို့နယ်၊ ရန်ကုန်မြို့
📩Email : [email protected]
🌏website! https://www.academyhospitalmyanmar.com/

#အကယ်ဒမီဆေးရုံ

24/03/2026

🌍World Tuberculosis(TB) Day🌍
✨ယနေ့ မတ်လ (၂၄)ရက်နေ့သည် “World Tuberculosis(TB) Day” ဖြစ်ပြီး ဒီနှစ်ရဲ့ဆောင်ပုဒ်ကတော့ “Yes! We can End TB:Led by countries, powered by people.” ဖြစ်ပါတယ်ရှင့်
🫁တီဘီရောဂါဟာ ကူးစက်ရန်လွယ်ကူသော်လည်း ကုသနိုင်တဲ့ရောဂါ တစ်ခုဖြစ်ပါတယ်။ မိမိမှာ အချိန်ကြာရှည်စွာ ချောင်းဆိုးခြင်း၊ ကိုယ်အလေးချိန် လျော့နည်းခြင်း၊ အားနည်းပြီး နာကျင်မှုများရှိလာပါက လျစ်လျူမရှုဘဲ ဆရာဝန်နှင့်ပြသပြီး ကုသမှုခံယူပါ။
💉တီဘီရောဂါသည် အများပြည်သူ ကျန်းမာရေးအတွက် အဓိကပြဿနာ ဖြစ်နေသေးသော်လည်း ပညာပေးခြင်း၊ ကာကွယ်ဆေးထိုးခြင်းနှင့် ကုသမှုများဖြင့် တီဘီရောဂါကို လျော့ချနိုင်ပါတယ်။
🩺ကျွန်ုပ်တို့ တစ်ဦးချင်းစီရဲ့ သတိထားမှုလေးတွေက တီဘီကင်းရှင်းတဲ့ ကမ္ဘာတစ်ခုကို တည်ဆောက်နိုင်ပါတယ်။
✨ဒီနေ့မှာတော့ တီဘီကင်းစင်ပြီး ကျန်းမာပျော်ရွှင်သော နေ့ရက်များကို ပိုင်ဆိုင်နိုင်ကြပါစေလို့ “အကယ်ဒမီဆေးရုံ” မိသားစုမှ ဆုမွန်ကောင်းတောင်ပေးလိုက်ပါတယ်ရှင့်💌🎀

21/03/2026

🌍 World Down Syndrome Day🌍
💙 ယနေ့ မတ်လ (၂၁)ရက်နေ့သည် “World Down Syndrome Day” ဖြစ်ပြီး လူနာများနှင့် မိသားစုများအတွက် နားလည်မှုနှင့် လက်ခံမှုကို မြှင့်တင်ပေးရန် ရည်ရွယ်ထားသော နေ့တစ်နေ့ ဖြစ်ပါတယ်။
💛Down Syndrome ဆိုတာ ကူးစက်ရောဂါမဟုတ်ပါဘူး။ ကလေးတစ်ဦးရဲ့ ခန္ဓာကိုယ်ထဲမှာ ခရိုမိုဆုန်းကွာခြားမှုကြောင့် ဖြစ်လာတဲ့ အခြေအနေတစ်ခုဖြစ်ပါတယ်။
✨သူတို့အတွက် အရေးကြီးဆုံးကတော့ ကျန်းမာရေးစောင့်ရှောက်မှု၊ ပညာရေးအခွင့်အလမ်း
နဲ့ လူမှုအသိုင်းအဝိုင်းထဲမှာ တန်းတူအခွင့်အရေးများ ရရှိခြင်းဖြစ်ပါတယ်။
👶🏻ဒီလိုကလေးများမှာ ဖွံ့ဖြိုးမှုနည်းနည်းနှေးနိုင်ပေမယ့် သူတို့လည်း အခြားကလေးများလိုပဲ ချစ်တတ်ကြတယ်၊ သင်ယူနိုင်ကြတယ်၊ ကိုယ့်ဘဝကို တန်ဖိုးရှိအောင် ဖြတ်သန်းနိုင်ကြပါတယ်။
🤝မိဘများအတွက် အရေးကြီးတာက စောစီးစွာ လေ့ကျင့်ပေးခြင်း၊ သင့်တော်တဲ့ ပညာရေးနဲ့ ပြုစုစောင့်ရှောက်မှုတွေကို ဆက်လက်ပံ့ပိုးပေးခြင်းဖြစ်ပါတယ်။
✨နားလည်မှုတစ်ခု၊ လက်ခံမှုတစ်ခုက ကလေးတစ်ယောက်ရဲ့ အနာဂတ်ကို ပြောင်းလဲနိုင်ပါတယ်။
ဒီနေ့မှာတော့ မတူညီမှုကို လက်ခံပြီး လူတိုင်းတန်းတူ အခွင့်အရေးရရှိကြပါစေလို့ “အကယ်ဒမီဆေးရုံ” မိသားစုမှ ဆုမွန်ကောင်းတောင်ပေးလိုက်ပါတယ်ရှင့်💙🧦

17/03/2026

မင်္ဂလာပါရှင့်🎀
✨ ဒီနေ့မှာတော့ စိတ်ကျန်းမာပျော်ရွှင်ဖို့ ဘယ်လိုနေထိုင်ရမလဲ ဆိုတဲ့ အချက်တွေကို ပြောပြပေးချင်ပါတယ်ရှင့်…
🧠 လူတစ်ယောက်ရဲ့ ကျန်းမာရေးဆိုတာ ကိုယ်ခန္ဓာကျန်းမာရေးတစ်ခုတည်းမဟုတ်ပါဘူး။ စိတ်ကျန်းမာရေးကလည်း အလွန်အရေးကြီးပါတယ်။ စိတ်ကျန်းမာမှသာ နေ့စဉ်ဘဝကို အားအင်ပြည့်ဝစွာ ဖြတ်သန်းနိုင်မှာဖြစ်ပါတယ်ရှင့်
စိတ်ကျန်းမာပြီး ပျော်ရွှင်စွာနေထိုင်နိုင်ဖို့ နည်းလမ်းလေးတွေကတော့-
☀️ (၁) အိပ်ရေးဝအောင် အိပ်ပါ
နေ့တိုင်း ၇-၈ နာရီခန့် အိပ်စက်ပေးခြင်းက စိတ်ဖိစီးမှုကို လျော့ချပေးပြီး စိတ်အေးချမ်းစေပါတယ်။
🚶 (၂) ကိုယ်လက်လှုပ်ရှားမှု လုပ်ပါ
နေ့စဉ် လမ်းလျှောက်ခြင်း၊ အားကစားလုပ်ခြင်းတို့က စိတ်ပျော်ရွှင်စေတဲ့ ဟော်မုန်းတွေကို ထုတ်ပေးပါတယ်။
👨‍👩‍👧‍👦 (၃) မိသားစု၊ သူငယ်ချင်းများနှင့် ရင်းနှီးစွာဆက်ဆံပါ
မိသားစု၊ မိတ်ဆွေများနဲ့ စကားပြောခြင်း၊ အချိန်ပေးခြင်းက စိတ်ဖိစီးမှုကို လျော့ချပေးပါတယ်။
📵 (၄) ဖုန်းအသုံးပြုချိန်ကို လျော့ချပါ
Social media ကို အလွန်အကျွံအသုံးပြုခြင်းက စိတ်ပင်ပန်းမှု ဖြစ်စေနိုင်ပါတယ်။
🌿 (၅) ကိုယ့်အတွက် အနားယူချိန်ပေးပါ
စာဖတ်ခြင်း၊ သဘာဝကို ကြည့်ရှုခြင်း၊ သီချင်းနားထောင်ခြင်း၊ တရားထိုင်ခြင်းတို့က စိတ်ကို တည်ငြိမ်စေပါတယ်။
💬 (၆) စိတ်ဖိစီးမှုရှိလာပါက မျှဝေပြောဆိုပါ
ယုံကြည်ရတဲ့သူများနဲ့ ပြောဆိုခြင်းက စိတ်ပေါ့ပါးစေပါတယ်။ လိုအပ်ပါက ကျန်းမာရေးဝန်ထမ်းများကိုလည်း တိုင်ပင်နိုင်ပါတယ်။
✨ နေ့စဉ်ဘဝမှာ ကိုယ့်ကိုယ်ကို ဂရုစိုက်ပြီး စိတ်ကျန်းမာပျော်ရွှင်သောဘဝကို တည်ဆောက်နိုင်ကြပါစေလို့ “အကယ်ဒမီဆေးရုံ” မိသားစုမှ ဆုမွန်ကောင်းတောင်းပေးလိုက်ပါတယ်ရှင့်💌

#စိတ်ကျန်းမာပျော်ရွှင်အောင်နေထိုင်နည်း

Academy Hospital Myanmar

30/04/2026

28/04/2026

25/04/2026

24/04/2026

17/04/2026

11/04/2026

07/04/2026

03/04/2026

02/04/2026

24/03/2026

21/03/2026

17/03/2026

Address

Telephone

Website

Alerts

Contact The Practice

Shortcuts

Share

Category